ಫಿಲ್ಮ್ಶಾಪ್ ಕಿರುಚಿತ್ರೋತ್ಸವಕ್ಕೆ ಮುಕ್ತ ಪ್ರವೇಶ
ಕನ್ನಡದ ಒಟಿಟಿ ‘ಫಿಲ್ಮ್ಶಾಪ್’ ಕನ್ನಡ ರಾಜ್ಯೋತ್ಸವ ಪ್ರಯುಕ್ತ ವಿಶೇಷ ಕಿರುಚಿತ್ರೋತ್ಸವ ಸ್ಪರ್ಧೆ ಆಯೋಜಿಸಿದೆ.
ಫಿಲ್ಮ್‌ಶಾಪ್ನಿರ್ದೇಶಕ ಮತ್ತು‌ನಿರ್ಮಾಪಕ ಬಿ.ಅರ್. ಕೇಶವ್ ಹುಟ್ಟು ಹಾಕಿರುವ ಒಟಿಟಿ ವೇದಿಕೆ. ಸಿನಿಮಾ ಮತ್ತು ಕಿರುತೆರೆಗೆ ಹೊಸದಾಗಿ ಪ್ರವೇಶಿಸುವ ಯುವ ನಿರ್ದೇಶಕರಿಗೆಒಂದು ವೇದಿಕೆ ಕಲ್ಪಿಸುವ ಸಲುವಾಗಿ ಈ ಕಿರುಚಿತ್ರೋತ್ಸವ ಸ್ಪರ್ಧೆ ಆಯೋಜಿಸಲಾಗಿದೆ. ಇದರಲ್ಲಿ ಭಾಗವಹಿಸಲು ಯಾವುದೇ ಪ್ರವೇಶ ಶುಲ್ಕ ಇರುವುದಿಲ್ಲ. ಕನ್ನಡ ನೆಲ, ಜಲ, ಕನ್ನಡ ಹೋರಾಟಗಾರರು, ಕನ್ನಡ ಸಾಹಿತ್ಯ, ಚಲನಚಿತ್ರ, ಕರ್ನಾಟಕದ ಹಿರಿಮೆ ಸಾರುವ ವಿಷಯದ ಕುರಿತು ಸಿದ್ಧಪಡಿಸಲಾದಕನಿಷ್ಠ 8 ನಿಮಿಷದಿಂದ ಗರಿಷ್ಠ10 ನಿಮಿಷ ಅವಧಿಯಕಿರುಚಿತ್ರಗಳನ್ನು ಈ ಸ್ಪರ್ಧೆಗೆ ಪರಿಗಣಿಸಲಾಗುತ್ತದೆ.
ಕಿರುಚಿತ್ರವುಸಂಪೂರ್ಣ ಎಚ್‍ಡಿ ಫಾರ್ಮ್ಯಾಟ್‍ನಲ್ಲಿರಬೇಕು. ಬೇರೆ ಯಾವುದೇ ಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡಿರಬಾರದು. ಕಿರುಚಿತ್ರಗಳನ್ನು ಸ್ಪರ್ಧೆಗೆ ಕಳುಹಿಸಲು ಅ. 31 ಕೊನೆ ದಿನ. ವಿಜೇತ ಕಿರುಚಿತ್ರಗಳ ಫಲಿತಾಂಶವನ್ನುಜನಮತದಿಂದ ನಿರ್ಧರಿಸಲಾಗುತ್ತದೆ.ವಿಜೇತ ಕಿರುಚಿತ್ರಗಳಿಗೆ ಕ್ರಮವಾಗಿ ಪ್ರಥಮ ₹25,000, ದ್ವಿತೀಯ ₹15,000 ಹಾಗೂ ತೃತೀಯ ₹10,000 ನಗದು ಬಹುಮಾನ ನೀಡಲಾಗುತ್ತಿದೆ.
ನವೆಂಬರ್ 1ರಿಂದ 29ರವರೆಗೆ ಈ ಕಿರುಚಿತ್ರೋತ್ಸವ ನಡೆಯಲಿದ್ದು, ನ.30ರಂದು ಫಲಿತಾಂಶ ಪ್ರಕಟಿಸಲಾಗುತ್ತದೆ. ಘೋಷಿಸಲಾಗುವುದು.filmshoppott@gmail.comಗೆ ಕಿರುಚಿತ್ರ ಕಳುಹಿಸಬಹುದು ಎಂದು ಸಂಘಟಕರು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.