ಹಸಿರು ಸೀರೆಯಲ್ಲಿ ಹಾಯ್ ಎಂದಳು ಜಾಹ್ನವಿ: ಅತಿಲೋಕ ಸುಂದರಿ ಎಂದ ಅಪ್ಪ ಬೋನಿ ಕಪೂರ್

ಬೆಂಗಳೂರು: ಸದ್ಯ ಹದಿ ಹರೆಯದ ಹುಡುಗರ ನಿದ್ದೆ ಕದ್ದಿರುವ ಚೆಲುವೆ ಎಂದರೆ ಅದು ಬಾಲಿವುಡ್ ಬೇಬಿ, ನಟಿ ಜಾಹ್ನವಿ ಕಪೂರ್. ದಢಕ್ ಸಿನಿಮಾ ಮೂಲಕ ಚಿತ್ರರಂಗ ಪ್ರವೇಶ ಮಾಡಿರುವ ಈ 24 ರ ಬೆಡಗಿ ನ್ಯಾಷನಲ್ ಕ್ರಶ್ ಆಗಿದ್ದಾರೆ.

ಅಳೆದು ತೂಗಿ ಸಿನಿಮಾಗಳನ್ನು ಒಪ್ಪಿಕೊಳ್ಳುವ ಜಾಹ್ನವಿ ಬಹುತೇಕ ಬಿಡುವಿನ ವೇಳೆ ಪ್ರವಾಸ, ಮೋಜು–ಮಸ್ತಿಯಲ್ಲೇ ತೊಡಗಿರುತ್ತಾರೆ. ಆಗಾಗ ತಮ್ಮ ಸುಂದರ ಫೋಟೊಗಳನ್ನು ಸಾಮಾಜಿಕ ಜಾಲಾತಣಗಳಲ್ಲಿ ಜಾಹ್ನವಿ ಹಂಚಿಕೊಳ್ಳುತ್ತಾ ಇರುತ್ತಾರೆ.

ಇದೀಗ ಹಸಿರು ಸೀರೆಯಲ್ಲಿ ಕಂಗೊಳಿಸಿರುವ ಜಾಹ್ನವಿ ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಜಾಹ್ನವಿಯ ಫೋಟೊಗಳನ್ನು ಮೆಚ್ಚಿಕೊಂಡಿರುವ ಸ್ವತಃತಂದೆ ಬೋನಿ ಕಪೂರ್ ಅವರು ‘ಅತಿ ಸುಂದರ’ ಎಂದು ಕಮೆಂಟ್ ಮಾಡಿದ್ದಾರೆ.

ಅಭಿಮಾನಿಗಳು ‘ಜಾಹ್ನವಿ ನೀವು ಸಾರಿಯಲ್ಲಿ ಅತ್ಯಂತ ಸುಂದರವಾಗಿ ಕಾಣುತ್ತೀರಾ’ ಎಂದು ಉದ್ಘಾರ ತೆಗೆದಿದ್ದಾರೆ. ಲಕ್ಷಾಂತರ ಜನ ಈ ಫೋಟೊಗಳನ್ನು ಇಷ್ಟಪಟ್ಟಿದ್ದಾರೆ.

ಪ್ರಸ್ತುತ ಜಾಹ್ನವಿ ಅಭಿನಯದ ‘ಭೇದಿಯಾ’ ಸಿನಿಮಾ ಬಿಡುಗಡೆಗೆ ಸಿದ್ದವಾಗಿದ್ದು, ‘ಗುಡ್‌ ಲಕ್ ಜೆರ್ರೀ’, ‘ದೊಸ್ತಾನಾ 2’ ಹಾಗೂ‘ಮಿ’ ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.

ನೆಟ್‌ಫ್ಲಿಕ್ಸ್‌ನಲ್ಲಿ ಬೀಸ್ಟ್‌ ಸಿನಿಮಾ: ಕನ್ನಡ ಸೇರಿ ಐದೂ ಭಾಷೆಗಳಲ್ಲಿ ಲಭ್ಯ