‘ಚಿ.ತು.ಸಂಘ’ಕ್ಕೆ ಯು/ಎ ಪ್ರಮಾಣಪತ್ರ

ಶರಣ್‌– ಚಿಕ್ಕಣ್ಣ ಅಭಿನಯದ ‘ಅಧ್ಯಕ್ಷ’ ಚಿತ್ರದ ಕಥೆಯಲ್ಲಿ ಕಾಣುವ ಚಿ.ತು. ಸಂಘ, ಈಗ ಹೊಸ ಚಿತ್ರವೊಂದರ ಶೀರ್ಷಿಕೆಯಾಗಿಬಿಟ್ಟಿದೆ.

‘ಚಿ.ತು. ಸಂಘ’ ತೆರೆಗೆ ಬರಲು ಸಿದ್ಧವಾಗಿದೆ. ಈ ಚಿತ್ರಕ್ಕೆ ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಯು/ಎ ಪ್ರಮಾಣಪತ್ರ ನೀಡಿದೆ. ಚೇತನ್‌ ಕುಮಾರ್‌ ಈ ಚಿತ್ರದ ನಾಯಕ, ನಿರ್ದೇಶಕ. ರೂಪಾ ನಾಯಕಿ.
ಶಿವಣ್ಣ ನಂದಿಹಳ್ಳಿ, ಲಕ್ಷ್ಮೀಕಾಂತಯ್ಯ ಮತ್ತು ಪಾರ್ವತಿ ಹೊಳೆನರಸೀಪುರ ಅವರು ಈ ಚಿತ್ರದ ನಿರ್ಮಾಪಕರು. ಚಿತ್ರದ ಹಾಡುಗಳು ಇತ್ತೀಚೆಗೆ ಲಹರಿ ಮ್ಯೂಸಿಕ್ ಮೂಲಕ ಬಿಡುಗಡೆಯಾಗಿವೆ.