ಬರ್ತ್‌ಡೇ ಸಂಭ್ರಮದಲ್ಲಿ ‘ರೀನಾʼ
‘ಕೆಜಿಎಫ್‌ ಚಾಪ್ಟರ್‌-2’ ಚಿತ್ರದ ನಾಯಕಿ ಶ್ರೀನಿಧಿ ಶೆಟ್ಟಿ ತಮ್ಮ 28ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಚಿತ್ರತಂಡ ಸೇರಿದಂತೆ ಅಭಿಮಾನಿಗಳು ಅವರಿಗೆ ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದಾರೆ.
ಹುಟ್ಟುಹಬ್ಬದ ಪ್ರಯುಕ್ತ ಚಿತ್ರತಂಡ ಶ್ರೀನಿಧಿ ಅವರ ‘ರೀನಾ’ ಪಾತ್ರದ ಪೋಸ್ಟರ್‌ ಬಿಡುಗಡೆ ಮಾಡಿ ಶುಭಕೋರಿದೆ.
ಶುಭಾಶಯಗಳಿಗೆ ಟ್ವಿಟರ್‌ನಲ್ಲಿ ಪ್ರತಿಕ್ರಿಯಿಸಿರುವ ಶ್ರೀನಿಧಿ, ‘ಪ್ರೀತಿ ಮತ್ತು ಕ್ರೂರತೆ ಸಹಬಾಳ್ವೆ ನಡೆಸಲು ಸಾಧ್ಯವೇ? ನನ್ನ ಬೆಳವಣಿಗೆಗೆ ಕಾರಣವಾಗುವ ಉಡುಗೊರೆ ಇಲ್ಲಿದೆ. ಪ್ರಶಾಂತ್‌ ನೀಲ್‌, ವಿಜಯ್‌ ಕಿರಗಂದೂರು, ಹೊಂಬಾಳೆ ಫಿಲ್ಮ್ಸ್‌ ಇಡೀ ಕೆಜಿಎಫ್‌ ತಂಡಕ್ಕೆ ಪ್ರೀತಿ ತುಂಬಿದ ಕೃತಜ್ಞತೆ’ ಎಂದು ಬರೆದುಕೊಂಡಿದ್ದಾರೆ.
ಕೆಜಿಎಫ್‌ ಚಾಪ್ಟರ್‌ -2ನಲ್ಲಿ ಶ್ರೀನಿಧಿ ಅವರದ್ದು ರೀನಾ ಹೆಸರಿನ ಪಾತ್ರ. ಚಿತ್ರೀಕರಣ ಬಹುತೇಕ ಪೂರ್ಣಗೊಂಡಿದ್ದು ಜನವರಿ 14ರಂದು ಬಿಡುಗಡೆಗೆ ಸಿದ್ಧತೆ ನಡೆದಿದೆ. ಚಿತ್ರದಲ್ಲಿ ಯಶ್‌ ನಾಯಕ ನಟನಾಗಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.