ನಟಿ ಹರ್ಷಿಕಾ, ಭುವನ್‌ರಿಂದ ದಿನಸಿ ಕಿಟ್ ವಿತರಣೆ

ಕಲಬುರ್ಗಿ: ಚಿತ್ರ ನಟಿ ಹರ್ಷಿಕಾ ಪೂಣಚ್ಚ ಹಾಗೂ ನಟ ಭುವನ್ ಪೊನ್ನಣ್ಣ ಅವರು ನಗರದಲ್ಲಿ ಬೀದಿ ಬದಿ ವ್ಯಾಪಾರಿಗಳು, ಬಡವರಿಗೆ ಭುವನಂ ಪ್ರತಿಷ್ಠಾನದಿಂದ ಬುಧವಾರ ದಿನಸಿ ಕಿಟ್‌ಗಳನ್ನು ನೀಡಿದರು.

ವಿವಿಧ ಜಿಲ್ಲೆಗಳಿಗೆ ಭೇಟಿ ನೀಡಿ ಕಿಟ್‌ಗಳನ್ನು ಹಂಚುತ್ತಿರುವ ಹರ್ಷಿಕಾ, ಭುವನ್ ಅವರಿಗೆ ನಗರದಲ್ಲಿ ಜೆಡಿಎಸ್ ಮುಖಂಡ ಬಾಲರಾಜ ಗುತ್ತೇದಾರ ಸಾಥ್ ನೀಡಿದರು.

ವಿವಿಧ ಕೊಳೆಗೇರಿ ನಿವಾಸಿಗಳನ್ನು ಭೇಟಿ ಮಾಡಿ ಅವರಿಗೆ ಆಹಾರ ಧಾನ್ಯದ ಕಿಟ್ ನೀಡಿದರಲ್ಲದೇ, ‘ಕಡ್ಡಾಯವಾಗಿ ಮಾಸ್ಕ್‌ ಧರಿಸಬೇಕು. ಮುಂಜಾಗ್ರತಾ ಕ್ರಮಗಳನ್ನು ಅನುಸರಿಸಬೇಕು. ಆರೋಗ್ಯ ಕಾಪಾಡಿಕೊಳ್ಳಬೇಕು’ ಎಂದು ಸಲಹೆ ನೀಡಿದರು.