ಗಗನಸಖಿ ಪಾತ್ರದಲ್ಲಿ ಶ್ರದ್ಧಾ

‘ಸಾಹೋ’ದಲ್ಲಿ ನಟಿಸಿದ ಬಳಿಕ ಶ್ರದ್ಧಾ ಕಪೂರ್ ಅದೃಷ್ಟ ಬದಲಾದಂತಿದೆ. ‘ಸಾಹೋ’ ಶೂಟಿಂಗ್ ಮುಗಿಯುತ್ತಿದ್ದಂತೆ ಶ್ರದ್ಧಾ ಇದೀಗ ಟೈಗರ್ ಶ್ರಾಫ್‌ ಅಭಿನಯದ ‘ಭಾಗಿ 3’ ತಂಡವನ್ನು ಸೇರಿಕೊಂಡಿದ್ದಾರೆ. ಇದರಲ್ಲಿ ಅವರದು ಗಗನಸಖಿ ಪಾತ್ರ.

ಅಹಮ್ಮದ್ ಖಾನ್‌ ಈ ಸಿನಿಮಾಕ್ಕೆ ಆ್ಯಕ್ಷನ್‌, ಕಟ್ ಹೇಳುತ್ತಿದ್ದಾರೆ. 2016ರಲ್ಲಿ ಬಂದ ‘ಭಾಗಿ’ ಸರಣಿಯ ಮೊದಲ ಸಿನಿಮಾ ಹಿಟ್ ಆಗಿತ್ತು. ಇದರಲ್ಲಿ ಟೈಗರ್‌ ಹಾಗೂ ಶ್ರದ್ಧಾ ಜೋಡಿ ನಟಿಸಿತ್ತು. ‘ಭಾಗಿ 2’ರಲ್ಲಿ ದಿಶಾ ಪಟಾನಿ ನಾಯಕಿಯಾಗಿದ್ದರು. ಈಗ ಮೂರನೇ ಸರಣಿಯಲ್ಲಿ ಮತ್ತೆ ಶ್ರದ್ಧಾ ಕಾಣಿಸಿಕೊಳ್ಳುತ್ತಿದ್ದಾರೆ.