ರವಿಚಂದ್ರನ್ ಪುತ್ರಿಯ ಆರತಕ್ಷತೆ: ನವ ದಂಪತಿಗೆ ಶುಭ ಕೋರಿದ ರಜನಿಕಾಂತ್

ಬೆಂಗಳೂರು:ನಟ‌ ರವಿಚಂದ್ರನ್ ಅವರ ಪುತ್ರಿ ಗೀತಾಂಜಲಿ ಮತ್ತು ಉದ್ಯಮಿ ಅಜಯ್ ಅವರ ಆರತಕ್ಷತೆ ಮಂಗಳವಾರ ಸಂಜೆ ನಗರದ ಅರಮನೆ ಮೈದಾನದಲ್ಲಿ ನಡೆಯಿತು.

'ಸೂಪರ್ ಸ್ಟಾರ್' ರಜನಿಕಾಂತ್, ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ‌ಬಿ.ಎಸ್. ಯಡಿಯೂರಪ್ಪ ಸೇರಿದಂತೆ ಕನ್ನಡ ಚಿತ್ರರಂಗದ‌ ಕಲಾವಿದರು, ರಾಜಕಾರಣಿಗಳು ಆಗಮಿಸಿ ನವ ದಂಪತಿಗೆ ಶುಭ ಕೋರಿದರು.

ಗಾಜಿನಿಂದ ವಿಶೇಷವಾಗಿ ಅಲಂಕರಿಸಿದ್ದ ವೇದಿಕೆಗೆ ರಜನಿಕಾಂತ್ ಆಗಮಿಸಿದಾಗ ನೆರೆದಿದ್ದವರು ಕರತಾಡನ‌‌ ಮೊಳಗಿಸಿದರು. ರಜನಿಕಾಂತ್ ಗೆ ಜೈಕಾರ‌‌ ಕೂಗಿದರು.

ಬೆಳಿಗ್ಗೆ ಅರಿಸಿನ ಶಾಸ್ತ್ರ ನಡೆಯಿತು. ರವಿಚಂದ್ರನ್ ದಂಪತಿ ಕುಟುಂಬದ ಸದಸ್ಯರೊಟ್ಟಿಗೆ ನೃತ್ಯ ಮಾಡಿದರು. ಬುಧವಾರ ಬೆಳಿಗ್ಗೆ 9 ಗಂಟೆಗೆ ಮುಹೂರ್ತ ನಡೆಯಲಿದೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್, ಮಾಲಿವುಡ್ ನ ನಟ, ನಟಿಯರು ಪಾಲ್ಗೊಳ್ಳುವ ನಿರೀಕ್ಷೆ ಇದೆ.