ಬೆಂಗಳೂರು:‘ಬಳೆಕೆಂಪ’ ನಿರ್ದೇಶಕ ಈರೇಗೌಡ ವಿರುದ್ಧ ಅನಾಮಿಕ ಯುವತಿ #MeToo ಆರೋಪಮಾಡಿದ ಹಿನ್ನೆಲೆಯಲ್ಲಿ ಆ ಚಿತ್ರವನ್ನು ಎಲ್ಲ ಚಿತ್ರೋತ್ಸವಗಳಿಂದ ಹಿಂಪಡೆಯುತ್ತಿದ್ದೇವೆ ಎಂದು ಝೂ ಎಂಟರ್ಟೇನ್ಮೆಂಟ್ ಸಿನಿಮಾ ನಿರ್ಮಾಣ ಸಂಸ್ಥೆ ಹೇಳಿದೆ. ಈ ಕುರಿತು ಸಂಸ್ಥೆಯು ಫೇಸ್ಬುಕ್ನಲ್ಲಿ ಸಂದೇಶ ಪ್ರಕಟಿಸಿದೆ.
‘#MeToo ಚಳವಳಿಗೆ ನಾವು ಸಂಪೂರ್ಣ ಬೆಂಬಲ ನೀಡುತ್ತಿದ್ದೇವೆ. ಎಲ್ಲರಿಗೂ ಸಮಾನತೆ ದೊರೆಯಬೇಕು ಎಂಬುದನ್ನು ನಾವು ಬಲವಾಗಿ ನಂಬುತ್ತೇವೆ. ನಮ್ಮ ಸಮಾಜವನ್ನು ಸುರಕ್ಷಿತ ಮತ್ತು ಉತ್ತಮವಾಗಿ ಮಾಡುವ ನಿಟ್ಟಿನಲ್ಲಿ #MeToo ಜತೆ ನಾವಿದ್ದೇವೆ. ಆರೋಪ ಮಾಡಿರುವ ವ್ಯಕ್ತಿ ಅನಾಮಧೇಯರಾಗಿ ಉಳಿದುಕೊಳ್ಳಲು ಬಯಸಿರುವುದು ನಮಗೆ ತಿಳಿದಿದೆ. ಆರೋಪಕ್ಕೆ ಸಂಬಂಧಿಸಿ ಗೌಡ ಅವರು ಇನ್ನೂ ಯಾವುದೇ ಸ್ಪಷ್ಟನೆ ನೀಡದಿರುವುದನ್ನೂ ಅರ್ಥಮಾಡಿಕೊಂಡಿದ್ದೇವೆ.
ಇದನ್ನೂ ಓದಿ:ಈರೇಗೌಡ ವಿರುದ್ಧ MeToo ಆರೋಪ
ಆರೋಪದಿಂದ ಆಘಾತವಾಗಿರುವುದಲ್ಲದೆ, ಬೇಸರವೂ ಆಗಿದೆ. ಈರೇಗೌಡ ನಿರ್ದೇಶನದ ‘ಬಳೆಕೆಂಪ’ದ ನಿರ್ಮಾಪಕರಾಗಿ ನಿರ್ಣಾಯಕ ಕ್ರಮ ಕೈಗೊಳ್ಳಬೇಕೆಂದು ನಾವು ಬಯಸಿದ್ದೇವೆ. ಈ ವಿಚಾರವಾಗಿ ಹೆಚ್ಚಿನ ಸ್ಪಷ್ಟತೆ ಮತ್ತು ಮಾಹಿತಿ ದೊರೆಯುವವರೆಗೂ ಸದ್ಯದ ಮಟ್ಟಿಗೆ ಸಿನಿಮಾವನ್ನು ಎಲ್ಲ ಚಿತ್ರೋತ್ಸವಗಳಿಂದ ಹಿಂಪಡೆಯುತ್ತಿದ್ದೇವೆ’ ಎಂದುಝೂ ಎಂಟರ್ಟೇನ್ಮೆಂಟ್ ಫೇಸ್ಬುಕ್ ಪ್ರಕಟಣೆಯಲ್ಲಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.