ಆಡಿ ಜೋಡಿ

ಐಷಾರಾಮಿ ಕಾರು ಆಡಿ ಬೆಂಗಳೂರಿಗೆ ಅಡಿಯಿಟ್ಟಾಗ, ಚೆಲುವೆಯರ ಸಾಲು ಜೊತೆಗಾಯಿತು. ಉದ್ದಾನುದ್ದ ಮುಳ್ಳಿನ ಜೋಡು ಧರಿಸಿದ, ಬಳಕುವ ಬಳ್ಳಿಯರು ಆಡಿಯ ಬಳಿ ನಿಂತಾಗಲೂ ಕಣ್ಣು ಕೀಳದಂತೆ ಗಮನ ಸೆಳೆದಿದ್ದು, ಬಿಳಿ ಬಣ್ಣದ ಕಾರು. ರೆಸಿಡೆನ್ಸಿ ರಸ್ತೆಯ ಸ್ಯಾಂಕ್ಟಂ ಆಡಿಟೋರಿಯಮ್‌ನಲ್ಲಿ ಆಯೋಜಿಸಲಾಗಿದ್ದ ಈ ಫ್ಯಾಶನ್‌ ಶೋನಲ್ಲಿ ಲತಾಂಗಿಯರ ಥಳಕು ಬಳಕುಗಳ ನಡುವೆ ರಾಜಗಾಂಭೀರ್ಯದಿಂದ ಈ ಕಾರು ವಾಹನ ಪ್ರಿಯರ ಕಣ್ಣರಳಿಸುವಂತೆ ಮಾಡಿದ್ದಂತೂ ನಿಜ.