ಜೀ ವಾಹಿನಿಯಲ್ಲಿ ಮಯೂರ ಸಿನಿಮಾ

ಏಪ್ರಿಲ್ 24 ಮೇರುನಟ ಡಾ.ರಾಜ್‌ಕುಮಾರ್ ಅವರ ಜನ್ಮದಿನ. ಈ ಪ್ರಯುಕ್ತ  ಭಾನುವಾರ (ಏ.22 ) ಸಂಜೆ 5 ಗಂಟೆಗೆ ಜೀ ಕನ್ನಡ ವಾಹಿನಿಯಲ್ಲಿ ಡಾ. ರಾಜ್ ಅವರ ಐತಿಹಾಸಿಕ ಕನ್ನಡ ಚಲನಚಿತ್ರ `ಮಯೂರ~ ಮೊದಲ ಬಾರಿಗೆ ಪ್ರಸಾರವಾಗಲಿದೆ.

1975ರಲ್ಲಿ ತೆರೆಕಂಡ ಈ ಐತಿಹಾಸಿಕ ಚಿತ್ರ 25 ವಾರಗಳ ಯಶಸ್ವಿ ಪ್ರದರ್ಶನ ಕಂಡು ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಹೊಸ ದಾಖಲೆಯ ಅಧ್ಯಾಯ ಬರೆಯಿತು.

ಈ ಚಾರಿತ್ರಿಕ ಸಿನಿಮಾದ ಮೂಲಕ ಕರುನಾಡು ಮತ್ತು ಕನ್ನಡಿಗರ ಔದಾರ್ಯವನ್ನು ಎತ್ತಿಹಿಡಿದಿದ್ದಾರೆ. ತನ್ನ ರಾಜ ಮನೆತನಕ್ಕೆ ದ್ರೋಹವೆಸಗಿದ ಪಲ್ಲವರ ಅಟ್ಟಹಾಸವನ್ನು ಮಟ್ಟ ಹಾಕುವುದೇ ಕಥೆಯ ಸಾರಾಂಶ.