ವ್ಯಾಲ್ಯೂ ಮಾಲ್‌ನಲ್ಲಿ ಪೆಟ್ ಇಟ್

ಎರಡು ಹೊತ್ತು ಹೊಟ್ಟೆ ತುಂಬಾ ಉಣ್ಣಲು ಬಡವರು ಹಿಂದೆ, ಮುಂದೆ ನೋಡಬಹುದು. ಆದರೆ, ನಗರದ ಸಿರಿವಂತರ ಮನೆಯ ನಾಯಿಗಳು ಮಾತ್ರ ಯಾವ ರಾಜಕುಮಾರ, ರಾಜಕುಮಾರಿಗೆ ಕಡಿಮೆ ಇಲ್ಲದಂತೆ ಬೆಳೆಯುತ್ತವೆ. ನಿತ್ಯ ಶಾಂಪೂವಿನಿಂದ ಸ್ನಾನ, ತಿನ್ನಲು ಬ್ರಾಂಡೆಡ್ ಆಹಾರ, ಕಾರಿನಲ್ಲಿ ಓಡಾಟ.

ಈ ನಾಯಿಗಳ ಮಾಲೀಕರು ಮಕ್ಕಳನ್ನಾದರೂ ಕೆಳಗೆ ಇಳಿಸಬಹುದು. ಆದರೆ, ಈ ಮುದ್ದಿನ ನಾಯಿಗಳನ್ನು ಮಾತ್ರ ತೊಡೆ ಮೇಲೆ ಕುರಿಸಿಕೊಂಡು ಕಂದಮ್ಮಗಳಂತೆ ಕಣ್ಣಲ್ಲಿ, ಕಟ್ಟಿಟ್ಟು ಮುಚ್ಚಟೆಯಿಂದ ಸಾಕುತ್ತಾರೆ.

ಇಂತಹ ಸಿರಿವಂತ ನಾಯಿಗಳಿಗಾಗಿಯೇ ಫೋರಂ ವ್ಯಾಲ್ಯೂ ಮಾಲ್, ವೈಟ್‌ಫೀಲ್ಡ್  ಕ್ಲಬ್ ಸಹಯೋಗದಲ್ಲಿ ಶನಿವಾರ `ಮೆಗಾ ಪೆಟ್ ಶೋ~ ಆಯೋಜಿಸಿದೆ. ಮೊದಲ ಸುತ್ತಿನಲ್ಲಿ ನಾಯಿಗಳು ಚಿತ್ರ, ವಿಚಿತ್ರ ಡ್ರೆಸ್ ಧರಿಸಿ ರ‌್ಯಾಂಪ್ ಏರುತ್ತವೆ. ಅತ್ಯುತ್ತಮವಾಗಿ ಡ್ರೆಸ್ ಹಾಗೂ ವಿಚಿತ್ರ ಡ್ರೆಸ್ ಹೀಗೆ ಎರಡು ವಿಭಾಗಗಳಲ್ಲಿ ಬಹುಮಾನ ಘೋಷಿಸಲಾಗುತ್ತದೆ.

`ಸರ್ವೈವಲ್ ಆಫ್ ದಿ ಫಿಟ್ಟೆಸ್ಟ್~ ಸುತ್ತಿನಲ್ಲಿ ಆರೋಗ್ಯವಂತ, ಫಿಟ್‌ನೆಸ್ ಕಾಪಾಡಿಕೊಂಡ ನಾಯಿಗಳಿಗೆ ಬಹುಮಾನ ಘೋಷಿಸಲಾಗುತ್ತದೆ. ಬೆಂಗಳೂರು ಪೆಟ್ ಹಾಸ್ಪಿಟಲ್‌ನ ಡಾ. ನರೇಂದ್ರ ರಾವ್ ತೀರ್ಪುಗಾರರಾಗಿರುತ್ತಾರೆ. `ಟ್ರಿಕ್ ಆ್ಯಂಡ್ ಟ್ರೀಟ್~ ಸುತ್ತಿನಲ್ಲಿ ನಾಯಿಗಳು ವಿಚಿತ್ರ ಟ್ರಿಕ್ ಮಾಡಬೇಕಾಗುತ್ತದೆ. ಅತಿ ವಿಧೇಯ ನಾಯಿ ಯಾವುದು ಎಂದು ನಿರ್ಧರಿಸಲು `ಹಿಸ್ ಮಾಸ್ಟರ್ಸ್‌ ವಾಯ್ಸ~ ಸ್ಪರ್ಧೆ ಇರುತ್ತದೆ. ಸ್ಥಳ: ಫೋರಂ ವ್ಯಾಲ್ಯೂ ಮಾಲ್, ವೈಟ್‌ಫೀಲ್ಡ್.  ಸಂಜೆ 4