ಶಾಲೆಯಲ್ಲಿ ಮಾವು ಮೇಳ

ಮಾವಿನ ಫಸಲು ಹೇಗೆ ಬರುತ್ತದೆ? ಒಂದು ಮರದಲ್ಲಿ ಎಷ್ಟು ಹಣ್ಣು ಸಿಗಬಹುದು? ಎಷ್ಟು ಜಾತಿಯ ಹಣ್ಣಿನ ಮರಗಳನ್ನು ಬೆಳೆಯಬಹುದು? ಹೀಗೆ ಹತ್ತಾರು ಪ್ರಶ್ನೆಗಳನ್ನು ಕೇಳುವ ಮಕ್ಕಳಿಗಾಗಿಯೇ ಶಾಲೆಯ ಆವರಣದಲ್ಲಿಯೇ ಮಾವು ಮೇಳ ಆಯೋಜಿಸಲಾಗಿತ್ತು.ಉತ್ತರಹಳ್ಳಿ ಸಮೀಪದ ಕಿಡ್ಸ್‌ ಹೈ ಶಾಲೆಯ ಆವರಣ ಮಾವು ಮಯವಾಗಿತ್ತು. ಮಕ್ಕಳೇ ಮಾವಿನ ಹಣ್ಣುಗಳನ್ನು ಮಾರಾಟ ಮಾಡಿದರು. ತಳಿಗಳ ಬಗ್ಗೆ ಪೂರ್ಣ ಮಾಹಿತಿ ಪಡೆದುಕೊಂಡರು.

ಮಾವಿನ ಹಣ್ಣುಗಳನ್ನು ಯಾವ ಜಿಲ್ಲೆಯಲ್ಲಿ ಹೆಚ್ಚು ಬೆಳೆಯುತ್ತಾರೆ? ಮಾವಿನಿಂದ ಮಾಡುವ ಖಾದ್ಯಗಳು ಹೀಗೆ ಹತ್ತು ಹಲವಾರು ವಿಷಯಗಳನ್ನು ಮಕ್ಕಳು ಕೇಳಿ ತಿಳಿದುಕೊಂಡರು. ಮಾವಿನಹಣ್ಣಿನ ಕುರಿತಾದ ಚರ್ಚೆ, ಚಿತ್ರಕಲಾ ಸ್ಪರ್ಧೆಯನ್ನೂ ಆಯೋಜಿಸಲಾಗಿತ್ತು.