ಫ್ಯಾಕ್ಟ್ ಚೆಕ್: ವೃದ್ಧರೊಬ್ಬರು ಅಖಿಲೇಶ್ ಯಾದವ್‌ಗೆ ಬೈದಿದ್ದು ನಿಜವಾ?
ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್ ಯಾದವ್‌ ಇರುವ 14 ಸೆಕೆಂಡ್‌ಗಳ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಗ್ರಾಮಸ್ಥರ ಜೊತೆಅಖಿಲೇಶ್‌ ಮಾತನಾಡುತ್ತಿರುವುದು ವಿಡಿಯೊದಲ್ಲಿ ಸೆರೆ ಆಗಿದೆ. ಅಖಿಲೇಶ್ ಚುನಾವಣಾ ಪ್ರಚಾರಕ್ಕೆ ತೆರಳಿದ್ದ ವೇಳೆ ವೃದ್ಧರೊಬ್ಬರು ‘ನೀವು ಮಸೀದಿಗಳನ್ನು ನಿರ್ಮಿಸಿದ್ದೀರಿ. ಹಾಗಾಗಿ ನಿಮ್ಮ ಪಕ್ಷಕ್ಕೆ ಮತ ನೀಡುವುದಿಲ್ಲ’ ಎಂದು ಅಖಿಲೇಶ್‌ಗೆ ನೇರವಾಗಿ ಹೇಳಿದ್ದಾರೆ ಎಂದು ಈ ವಿಡಿಯೊವನ್ನು ಬಿಂಬಿಸಲಾಗಿದೆ. ಬಿಜೆಪಿ ಸಾಮಾಜಿಕ ಜಾಲತಾಣ ಉಸ್ತುವಾರಿ ಪ್ರೀತಿ ಗಾಂಧಿ ಸೇರಿ ಬಿಜೆಪಿಯ ಹಲವು ನಾಯಕರು ಈ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ.
ಈಗ ವೈರಲ್‌ ಆಗಿರುವ ವಿಡಿಯೊ ಎರಡು ವರ್ಷ ಹಿಂದಿನದ್ದು ಎಂದು ದಿ ಲಾಜಿಕಲ್‌ ಇಂಡಿಯನ್‌ ವೇದಿಕೆ ವರದಿ ಮಾಡಿದೆ. ವೃದ್ಧರು ಮಸೀದಿಗಳ ಕುರಿತು ಮಾತನಾಡಿಲ್ಲ, ಅವರು ಇವಿಎಂ ಕುರಿತು ಮಾತನಾಡಿದ್ದಾರೆ. 2019ರ ನ.12ರಂದೇ ಈ ವಿಡಿಯೊವನ್ನು ಎಸ್‌ಪಿ ವಕ್ತಾರೆ ರೋಲಿ ತಿವಾರಿ ಮಿಶ್ರಾ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಿದ್ದರು. ಅಖಿಲೇಶ್‌ರನ್ನು ಉದ್ದೇಶಿಸಿ ವೃದ್ಧ ವ್ಯಕ್ತಿ, ‘ಮಷಿನ್‌ಗಳಿಗೆ ಬೆಂಕಿ ಹಚ್ಚಿ’ ಎಂದು ಹೇಳುತ್ತಿರುವುದು ಮೂಲ ವಿಡಿಯೊದಲ್ಲಿ ಕೇಳುತ್ತದೆ. ಅದನ್ನೇ ತಿರುಚಿ, ಬಿಜಿಪಿ ನಾಯಕರು ಹಂಚಿಕೊಂಡಿದ್ದಾರೆ ಎಂದು ದಿ ಲಾಜಿಕಲ್‌ ಇಂಡಿಯನ್‌ ಹೇಳಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.