ಫ್ಯಾಕ್ಟ್‌ ಚೆಕ್‌: ಸಾಮಾಜಿಕ ಜಾಲತಾಣಗಳಲ್ಲಿ ಬಾಬರಿ ಮಸೀದಿಯದ್ದು ಎನ್ನಲಾದ ಚಿತ್ರ
ಬಾಬರಿ ಮಸೀದಿ ಕೆಡವಿ 29 ವರ್ಷಗಳಾದ ಸಂದರ್ಭದಲ್ಲಿ, ಬಾಬರಿ ಮಸೀದಿಯದ್ದು ಎನ್ನಲಾದ ಹಲವಾರು ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಡಲಾಗಿದೆ. ಮಸೀದಿಯ ಕೆಲವು ಚಿತ್ರಗಳನ್ನು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿ, ‘ಬಾಬರಿ ಮಸೀದಿಯ ಕೆಲವು ಚಿತ್ರಗಳನ್ನು ಬ್ರಿಟಿಷ್‌ ವಸ್ತು ಸಂಗ್ರಹಾಲಯದಲ್ಲಿ ಇರಿಸಲಾಗಿದೆ’ ಎಂದು ಹೇಳಲಾಗಿದೆ. ಬೇರೆ ಚಿತ್ರಗಳನ್ನು ಇದೇ ರೀತಿಯ ಅಡಿಬರಹದ ಜೊತೆ ಫೇಸ್‌ಬುಕ್‌ನಲ್ಲಿ ಕೂಡಾ ಪೋಸ್ಟ್‌ ಮಾಡಲಾಗಿದೆ.
ಈ ಚಿತ್ರಗಳು ಬಾಬರಿ ಮಸೀದಿಯದ್ದಲ್ಲ ಎಂದು ‘ದಿ ಕ್ವಿಂಟ್‌’ ವರದಿ ಮಾಡಿದೆ. ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಲಾಗಿರುವ ಆರು ಚಿತ್ರಗಳಲ್ಲಿ ಐದು ಚಿತ್ರಗಳು ಬಾಬರಿ ಮಸೀದಿಯದ್ದಲ್ಲ ಎನ್ನಲಾಗಿದೆ. ಪಶ್ವಿಮ ಬಂಗಾಳದ ಮುರ್ಶಿದಾಬಾದ್‌ನ ಮೋತಿಜೀಲ್ ಮಸೀದಿ, ಕರ್ನಾಟಕದ ಕಲಬುರಗಿಯ ಜಾಮಿಯ ಮಸೀದಿ, ವಿಜಯಪುರದ ಇಬ್ರಾಹಿಂ ರೋಜಾ, ಟರ್ಕಿ ಮತ್ತು ಅಫ್ಗಾನಿಸ್ತಾನದ ಎರಡು ಮಸೀದಿಗಳ ಚಿತ್ರಗಳು ಇದರಲ್ಲಿವೆ ಎಂದು ದಿ ಕ್ವಿಂಟ್‌ ಹೇಳಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.