ಉ ಪ್ರದೇಶ: ಮಧ್ಯಾಹ್ನ ಶೇ 25 ರಷ್ಟು ಮತದಾನ

ಲಖನೌ (ಐಎಎನ್ಎಸ್): ಉತ್ತರ ಪ್ರದೇಶದಲ್ಲಿನ ಭಾನುವಾರ  11 ಜಿಲ್ಲೆಯಲ್ಲಿನ 56  ವಿಧಾನ ಸಭಾ ಕ್ಷೇತ್ರಗಳಿಗೆ ನಡೆದ ನಾಲ್ಕನೇ ಹಂತದ ಮತದಾನ ಮೊದಮೊದಲು ನಿಧಾನ ಗತಿಯಲ್ಲಿ ಆರಂಭವಾದರೂ ಮಧ್ಯಾಹ್ನದ ಹೊತ್ತಿಗೆ ಶೇ 25 ಮತದಾರರು ತಮ್ಮ ಹಕ್ಕು ಚಲಾಯಿಸಿದರು. 

ಭಾನುವಾರ ನಾಲ್ಕನೇ ಹಂತದ ಮತದಾನ ನಡೆಯುತ್ತಿರುವ 56 ವಿಧಾನಸಭಾ ಕ್ಷೇತ್ರಗಳಲ್ಲಿ ಹಲವಾರು ಘಟಾನುಘಟಿಗಳು ಸ್ಪರ್ಧಿಸಿದ್ದು, 32 ಜನ ಹಾಲಿ ಶಾಸಕರು,  ಮೂವರು ಹಾಲಿ ಸಚಿವರು, 12 ಮಂದಿ ಮಾಜಿ ಸಚಿವರು, ಬಿಜೆಪಿಯ ರಾಷ್ಟ್ರೀಯ ಉಪಾಧ್ಯಕ್ಷ  ಕಲ್ ರಾಜ್ ಮಿಶ್ರಾ ಮತ್ತು ಕಾಂಗ್ರೆಸ್ ನ ರಾಜ್ಯ ಘಟಕದ ಅಧ್ಯಕ್ಷ ರೀಟಾ ಬಹುಗುಣ ಜೋಷಿ ಅವರ ಹಣೆ ಬರಹ ನಿರ್ಧಾರ ಮತ ಪೆಟ್ಟಿಗೆ ಸೇರಲಿದೆ.