ಕಾರು ಅಪಘಾತದಲ್ಲಿ ರೂಪದರ್ಶಿ ಸೋನಿಕಾ ಸಾವು: ನಟ ವಿಕ್ರಮ್‌ ಚಟರ್ಜಿ ಬಂಧನ
Published 7 ಜುಲೈ 2017, 8:41 IST
ಕಾರು ಅಪಘಾತದಲ್ಲಿ ರೂಪದರ್ಶಿ ಸೋನಿಕಾ ಸಾವು: ನಟ ವಿಕ್ರಮ್‌ ಚಟರ್ಜಿ ಬಂಧನ
ಕೋಲ್ಕತ್ತ: ರೂಪದರ್ಶಿ ಹಾಗೂ ಟಿ.ವಿ ಕಾರ್ಯಕ್ರಮ ನಿರೂಪಕಿ ಸೋನಿಕಾ(27), ನಟ ವಿಕ್ರಮ್‌ ಚಟರ್ಜಿ ಪ್ರಯಾಣಿಸುತ್ತಿದ ಕಾರು ಅಪಘಾತಕ್ಕಿಡಾಗಿದ್ದು ಸೋನಿಕಾ ಸ್ಥಳದಲ್ಲೇ ಮೃತ್ತಪಟ್ಟಿದ್ದಾರೆ. ಈ ಸಂಬಂಧ ಪೊಲೀಸರು ವಿಕ್ರಮ್‌ ಚಟರ್ಜಿ ಅವರನ್ನು ಬಂಧಿಸಿದ್ದಾರೆ.
ಏಪ್ರಿಲ್‌ 29ರ ಬೆಳಗಿನ ಜಾವ 3.30ರ ಸುಮಾರಿಗೆ ಪಾರ್ಟಿ ಮುಗಿಸಿಕೊಂಡು ಮನೆಗೆ ಮರಳುವಾಗ ಅಪಘಾತ ಸಂಭವಿಸಿದ್ದು, ತಕ್ಷಣ ಸೋನಿಕಾ ಅವರನ್ನು ಆಸ್ಪತ್ರೆಗೆ ಸಾಗಿಸುವಷ್ಟರಲ್ಲಿ ಮೃತ್ತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದರು.
ಅತಿ ವೇಗ ಮತ್ತು ನಿರ್ಲಕ್ಷದಿಂದ ಕಾರು ಚಲಾಯಿಸಿದ್ದೇ ಅಪಘಾತಕ್ಕೆ ಕಾರಣ ಎಂದು ತಿಳಿದುಬಂದಿದ್ದು, ಐಪಿಸಿ ಸೇಕ್ಷನ್‌ 304ರ ಅಡಿಯಲ್ಲಿ ವಿಕ್ರಮ್‌ ವಿರುದ್ಧ ಜಾಮೀನುರಹಿತ ಪ್ರಕರಣ ದಾಖಲಿಸಿಕೊಂಡ ಕೋಲ್ಕತ್ತ ಪೊಲೀಸರು ಶುಕ್ರವಾರ ವಿಕ್ರಮ್‌ ಚಟರ್ಜಿ ಅವರನ್ನು ಬಂಧಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.