ಕಿಂಗ್‌ಫಿಷರ್: ಮುಷ್ಕರ

ಮುಂಬೈ (ಪಿಟಿಐ): ವೇತನ ಪಾವತಿಯಾಗದ ಹಿನ್ನೆಲೆಯಲ್ಲಿ ತೀವ್ರ ಆರ್ಥಿಕ ಸಂಕಷ್ಟದಲ್ಲಿರುವ ಕಿಂಗ್‌ಫಿಷರ್ ಏರ್‌ಲೈನ್ಸ್‌ನ ಎಂಜಿನಿಯರ್‌ಗಳು ಶನಿವಾರ ಹಠಾತ್ತಾಗಿ ಮುಷ್ಕರ ನಡೆಸಿದರು. ಎಲ್ಲ ಸಿಬ್ಬಂದಿಯ ವೇತನ ಪಾವತಿಸಿದ್ದಾಗಿ ಈ ಹಿಂದೆ ಕಂಪೆನಿ ಹೇಳಿಕೊಂಡಿತ್ತು.

`ಇಲ್ಲಿಯವರೆಗೆ ವೇತನ ಪಾವತಿ ಮಾಡದ ಕಾರಣ ಸುಮಾರು 200 ಎಂಜಿನಿಯರ್‌ಗಳು ಮುಷ್ಕರ ಕೈಗೊಂಡಿದ್ದಾರೆ~ ಎಂದು ಸಂಸ್ಥೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. 

`ಕೆಲ ತಾಂತ್ರಿಕ ಅಡಚಣೆಯಿಂದಾಗಿ ವೇತನ ಪಾವತಿಯಾಗಿರಲಿಕ್ಕಿಲ್ಲ. ಬ್ಯಾಂಕ್‌ಗಳು ಅಥವಾ ಏರ್‌ಲೈನ್ಸ್ ವ್ಯವಸ್ಥೆಯಿಂದ ಈ ಸಮಸ್ಯೆ ತಲೆದೋರಿದೆಯೇ ಎಂಬುದನ್ನು ಪತ್ತೆ ಹಚ್ಚಲಾಗುವುದು. ಮುಷ್ಕರದಿಂದ ಕಿಂಗ್‌ಫಿಷರ್ ವಿಮಾನ ಹಾರಾಟದಲ್ಲಿ ಯಾವುದೇ ರೀತಿಯ ವ್ಯತ್ಯಯ ಉಂಟಾಗಿಲ್ಲ~ ಎಂದಿದ್ದಾರೆ.