ಗುಜರಾತ್‌ ಚುನಾವಣೆ: ಸಾಬರಮತಿ ಕ್ಷೇತ್ರದಲ್ಲಿ ಪ್ರಧಾನಿ ಮೋದಿ ಮತದಾನ

ಅಹಮದಾಬಾದ್‌: ಗುಜರಾತ್‌ ವಿಧಾನಸಭಾ ಕ್ಷೇತ್ರಗಳಿಗೆ ಗುರುವಾರ ನಡೆಯುತ್ತಿರುವ ಎರಡನೇ ಹಂತದ ಮತದಾನದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ ಚಲಾಯಿಸಿದರು.

ಇಲ್ಲಿನ ಸಾಬರಮತಿ ವಲಯದ 115ನೇ ಮತಗಟ್ಟೆಯಲ್ಲಿ ಮತದಾನ ಮಾಡಿದರು.

ರಾನಿಪ್‌ ಭಾಗದಲ್ಲಿನ ಮತಗಟ್ಟೆಯಲ್ಲಿ ಸಾರ್ವಜನಿಕರೊಂದಿಗೆ ಸಾಲಿನಲ್ಲಿ ನಿಂತ ಪ್ರಧಾನಿ ತಮ್ಮ ಸರದಿ ಬಂದಾಗ ಮತದಾನ ನಡೆಸಿ ಮುಗುಳು ನಗೆ ಬೀರಿದರು. ಮತದಾನದ ನಂತರ ಶಾಯಿ ಹಾಕಿದ ತೋರು ಬೆರಳನ್ನು ಸಾರ್ವಜನಿಕರಿಗೆ ಪ್ರದರ್ಶಿಸಿದರು.