ಜರ್ದಾರಿ ಜತೆಗಿನ ಮಾತುಕತೆ ತೃಪ್ತಿದಾಯಕ - ಮನಮೋಹನಸಿಂಗ್

ನವದೆಹಲಿ (ಪಿಟಿಐ): ಒಂದು ದಿನದ ಭೇಟಿಗಾಗಿ ಇಲ್ಲಿಗೆ ಆಗಮಿಸಿದ ಪಾಕ್ ಅಧ್ಯಕ್ಷ ಆಸಿಫ್ ಅಲಿ ಜರ್ದಾರಿ ಅವರು ಪ್ರಧಾನಿ ಮನಮೋಹನಸಿಂಗ್ ಅವರನ್ನು ಅವರ ನಿವಾಸದಲ್ಲಿ ಭೇಟಿಯಾಗಿ ಮಾತುಕತೆ ನಡೆಸಿದರು.

ಮಾತುಕತೆಯು ತಮಗೆ ತೃಪ್ತಿ ತಂದಿದೆ ಎಂದು ಮನಮೋಹನಸಿಂಗ್ ಪ್ರತಿಕ್ರಿಯಸಿದ್ದು, ಪಾಕ್‌ಗೆ ಆಗಮಿಸುವಂತೆ ಜರ್ದಾರಿ ನೀಡಿದ ಆಹ್ವಾನವನ್ನು ಒಪ್ಪಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ತಮ್ಮ 30 ನಿಮಿಷಗಳ ಮಾತುಕತೆಯು ಅತ್ಯಂತ ಫಲಪ್ರದವಾಗಿತ್ತು ಎಂದು ಜರ್ದಾರಿ ಅವರೂ ಪ್ರತಿಕ್ರಿಯಿಸಿದ್ದೂ ತಾವು ಪ್ರಧಾನಿ ಸಿಂಗ್ ಅವರನ್ನು ಆದಷ್ಟು ಬೇಗ ಪಾಕ್ ನೆಲದಲ್ಲಿ ನೋಡಲು ಕಾತರರಾಗಿರುವುದಾಗಿ ತಿಳಿಸಿದ್ದಾರೆ.