ಟಿಬೆಟನ್ನರ ದೇಶಾಂತರ ಸರ್ಕಾರಕ್ಕೆ 53 ವರ್ಷ

ಧರ್ಮಶಾಲಾ (ಐಎಎನ್‌ಎಸ್): ಚೀನಾದಿಂದ ಗಡೀಪಾರುಗೊಂಡ ಟಿಬೆಟನ್ನರ ಅಸ್ತಿತ್ವಕ್ಕಾಗಿ ಹೋರಾಟ ನಡೆಸುತ್ತಿರುವ  ಟಿಬೆಟ್ ದೇಶಾಂತರ ಸರ್ಕಾರಕ್ಕೆ ಈಗ 53 ವರ್ಷ ತುಂಬಿದೆ.

ಈ ವೇಳೆ ಪತ್ರಿಕಾ ಹೇಳಿಕೆ ನೀಡಿರುವ ಟಿಬೆಟನ್ ನಾಯಕರು, ಚೀನಾದಲ್ಲಿ ಇತರೆ ಸಮುದಾಯಗಳು ಜೀವನ ನಡೆಸುವಂತೆ ಟಿಬೆಟನ್ನರೂ ಸ್ವತಂತ್ರವಾಗಿ ಬದುಕಲು ಅವಕಾಶ ಕೊಡಬೇಕು ಎಂದು ಚೀನಾ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಪ್ರತ್ಯೇಕತೆಗಾಗಿ ಹೋರಾಡುತ್ತಿರುವ ಟಿಬೆಟನ್ನರು ಮತ್ತು ಚೀನಿಯರ ನಡುವೆ  ಸಮನ್ವಯ ಸಾಧಿಸುವಂತೆ ಪದೇ ಪದೇ ಸರ್ಕಾರವನ್ನು ಒತ್ತಾಯಿಸುತ್ತಿದ್ದರೂ ಎರಡು ಸಮುದಾಯಗಳ ನಡುವೆ ಯಾವುದೇ ಸಂಧಾನ ಏರ್ಪಡಿಸಿಲ್ಲ ಎಂದರು.

ಈ ಹೇಳಿಕೆಯನ್ನು ಅಲ್ಲಗಳೆದಿರುವ ಚೀನಾ ಸರ್ಕಾರದ ರಾಜಕೀಯ ಸಲಹಾ ಸಮಿತಿ ಅಧ್ಯಕ್ಷ ಯು ಝೆಂಗ್‌ಶೇಂಗ್, ಟಿಬೆಟನ್ನರ ಗುರು ದಲೈಲಾಮ ಅವರು ಕೇಳುತ್ತಿರುವ `ಸಂಪೂರ್ಣ ಸ್ವಾಯುತ್ತತೆ'  ಸಂವಿಧಾನ ವಿರೋಧಿಯಾಗಿದೆ ಎಂದಿದ್ದಾರೆ.