ನವದೆಹಲಿ (ಪಿಟಿಐ): ಅಧಿಕಾರಾರೂಢ ಆಮ್ ಆದ್ಮಿ ಪಾರ್ಟಿಶಾಸಕ ಎಂ.ಎಸ್.ಧೀರ್, ದೆಹಲಿ ವಿಧಾನಸಭೆ ಸ್ಪೀಕರ್ ಆಗಿ ಶುಕ್ರವಾರ ಆಯ್ಕೆಯಾದರು.
ಕಾಂಗ್ರೆಸ್ ಸದಸ್ಯರ ಜತೆಗೆ ಜೆಡಿ(ಯು) ಹಾಗೂ ಪಕ್ಷೇತರ ತಲಾ ಒಬ್ಬ ಸದಸ್ಯರು ಧೀರ್ ಪರ ಮತ ಚಲಾವಣೆ ಮಾಡಿದ್ದು, ಒಟ್ಟು 37 ಶಾಸಕರ ಬೆಂಬಲ
ದೊರೆಯಿತು.
ಪರಾಜಿತ ಬಿಜೆಪಿ ಅಭ್ಯರ್ಥಿ ಜಗದೀಶ್ ಮುಖಿ 32 ಶಾಸಕರ ಬೆಂಬಲ ಪಡೆದರು.
ಅರವಿಂದ ಕೇಜ್ರಿವಾಲ್ ಹಾಗೂ ಬಿಜೆಪಿ ಶಾಸಕಾಂಗ ಪಕ್ಷದ ನಾಯಕ ಹರ್ಷವರ್ಧನ್ ಅವರು ನೂತನ ಸ್ಪೀಕರ್ ಅವರನ್ನು ಅಭಿನಂದಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.