ಪಾಕ್‌ ಪರ ಹಾಡು: ಬಂಧನ

ಪಟ್ನಾ: ಪಾಕಿಸ್ತಾನ ಪರ ಹಾಡಿರುವ ವಿಡಿಯೊ ವೈರಲ್‌ ಆದ ಪ್ರಕರಣಕ್ಕೆ ಸಂಬಂಧಿಸಿದಂತೆ ರೋಹ್ತಾಸ್‌ ಜಿಲ್ಲೆಯಲ್ಲಿ ಎಂಟು ಮಂದಿಯನ್ನು ಬಂಧಿಸಲಾಗಿದೆ.

ಕಳೆದ ಶನಿವಾರ ನಾಸ್ರಿಗ್ನಾಜ್ ಗ್ರಾಮದಲ್ಲಿ ನಡೆದ ಈದ್‌ ಆಚರಣೆಯ ಸಂದರ್ಭದಲ್ಲಿ ಗುಂಪೊಂದು ಪಾಕಿಸ್ತಾನ ಪರವಾಗಿ ಹಾಡು ಹಾಡಿತ್ತು. ಈ ವಿಡಿಯೊ ವೈರಲ್‌ ಆದ ನಂತರ 20 ಮಂದಿಯ ವಿರುದ್ಧ ಪೊಲೀಸರು ಎಫ್‌ಐಆರ್ ದಾಖಲಿಸಿದ್ದರು.

ವಿಡಿಯೊವನ್ನು ‌‌‌‌ಪಟ್ನಾದ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ (ಎಫ್‌ಎಸ್‌ಎಲ್‌) ಕಳುಹಿಸಲಾಗಿದೆ. ಬಂಧಿತರಲ್ಲಿ ಕೆಲವರು 15ರಿಂದ 17 ವರ್ಷದ ಒಳಗಿನವರು. ಅವರನ್ನು ಬಾಲಾಪರಾಧಿಗಳ ನ್ಯಾಯಮಂಡಳಿಗೆ ಕಳುಹಿಸಲಾಗಿದೆ. ಉಳಿದವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.