ಬಚ್ಚ ಶವಪರೀಕ್ಷೆ ಮಾಡಿದ ವೈದ್ಯ ಚುನಾವಣೆಗೆ!

ಚೆನ್ನೈ (ಪಿಟಿಐ): 2 ಜಿ ಸ್ಪೆಕ್ಟ್ರಂ ಹಗರಣದಲ್ಲಿ ಸಿಬಿಐ ತನಿಖೆಗೆ ಒಳಗಾಗಿರುವ ದೂರ ಸಂಪರ್ಕ ಇಲಾಖೆ ಮಾಜಿ ಸಚಿವ ಎ. ರಾಜಾ ಅವರ ನಿಕಟವರ್ತಿಯಾಗಿದ್ದ ಸಾದಿಕ್ ಬಚ್ಚ ಶವ ಪರೀಕ್ಷೆ ನಡೆಸಿದ್ದ ವ್ಯೆದ್ಯ ಡಾ. ವಿ.ಡೇಕಲ್ ತಮ್ಮ ಕೆಲಸಕ್ಕೆ ರಾಜಿನಾಮೆ ನೀಡಿ ಚುನಾವಣೆಗೆ ಧುಮುಕಲಿದ್ದಾರೆ.

ಏಪ್ರಿಲ್ 13 ರಂದು ತಮಿಳುನಾಡು ವಿಧಾನಸಭೆಗೆ ನಡೆಯಲಿರುವ ಚುನಾವಣೆಯಲ್ಲಿ ಡೇಕಲ್ ಅವರು ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಲಿದ್ದಾರೆ. 

‘ನಾನು ಸ್ವತಂತ್ರ್ಯ ಅಭ್ಯರ್ಥಿಯಾಗಿ ಚುನಾವಣೆಗೆ  ಸ್ಪರ್ಧಿಸ ಬಯಸಿದ್ದೇನೆ. ಅದಕ್ಕಾಗಿ ನಾನು ನನ್ನ ಕೆಲಸಕ್ಕೆ ರಾಜೀನಾಮೆ ನೀಡಿದ್ದೇನೆ.ನನ್ನ ರಾಜೀನಾಮೆ ಇನ್ನೂ ಅಂಗೀಕಾರವಾಗಬೇಕಿದೆ. ಈ ರಾಜೀನಾಮೆಗೂ  ಮತ್ತು ಸಾದಿಕ್ ಬಚ್ಚ ಪ್ರಕರಣಕ್ಕೂಯಾವುದೇ ಸಂಬಂಧವಿಲ್ಲ~ ಎಂದು ಡೇಕಲ್ ಹೇಳಿದ್ದಾರೆ.

ಸಾಧಿಕ್ ಬಚ್ಚ ಇತ್ತೀಚಿಗೆ ಅನುಮಾನಸ್ಪದ ರೀತಿಯಲ್ಲಿ ಮೃತರಾಗಿದ್ದನ್ನು ಇಲ್ಲಿ ಸ್ಮರಿಸಬಹುದು.