ಬಾಲಕಿ ಮೇಲೆ ಕಾನ್‌ಸ್ಟೆಬಲ್‌ ಅತ್ಯಾಚಾರ
ಇಟಾವಾ/ಉತ್ತರಪ್ರದೇಶ(ಪಿಟಿಐ): ಪೊಲೀಸ್‌ ವಶದಲ್ಲಿದ್ದ ಬಾಲಕಿ ಮೇಲೆ ಕಾನ್‌ಸ್ಟೆಬಲ್‌ ಅತ್ಯಾಚಾರ ಎಸಗಿರುವ ಅಮಾನವೀಯ ಘಟನೆ ಇಲ್ಲಿನ ಸೊರೊನ್‌ ಪ್ರದೇಶದಲ್ಲಿ ಮಂಗಳವಾರ ನಡೆದಿದೆ.
ಸಂತ್ರಸ್ತೆ ಫೆ.27ರಂದು ತನ್ನ ಗೆಳೆಯನೊಂದಿಗೆ ಮನೆಯಿಂದ ಓಡಿಹೋಗಿದ್ದಳು. ಮಾ.4ಕ್ಕೆ ಅವರಿಬ್ಬರು ಮದುವೆಯಾಗಲು ಬಯಸಿ ಕೋರ್ಟ್‌ಗೆ ಶರಣಾಗಿದ್ದರು.
ವಯಸ್ಸಿನ ದೃಢೀಕರಣಕ್ಕಾಗಿ ಕೋರ್ಟ್‌ ಹುಡುಗಿಯನ್ನು ಮಹಿಳಾ ಪೊಲೀಸ್‌ ಠಾಣೆಯಲ್ಲಿ ಇರಿಸಲು ಕೃಷ್ಣಾ ಎಂಬ ಮಹಿಳಾ ಪೊಲೀಸ್‌ ಕಾನ್‌ಸ್ಟೇಬಲ್‌ ಅವರಿಗೆ ಒಪ್ಪಿಸಿತ್ತು. ಆದರೆ ಕೃಷ್ಣಾ ಹುಡುಗಿಯನ್ನು ತನ್ನ ಮನೆಗೆ ಕರೆದೊಯ್ದಿದ್ದಳು. ಅಲ್ಲಿ ಪೊಲೀಸ್‌ ಕಾನ್‌ಸ್ಟೆಬಲ್‌ ಕೂಡ ಆಗಿರುವ ಅವಳ ಪತಿ ಸತ್ಯಪ್ರಕಾಶ್‌ ಹುಡುಗಿಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
‘ಹುಡುಗಿಯನ್ನು ಕೋರ್ಟ್‌ಗೆ ಸೋಮವಾರ ಕೋರ್ಟ್‌ಗೆ ಹಾಜರುಪಡಿಸಿದಾಗ ಅವಳು ಈ ಸಂಗತಿಯನ್ನು ತನ್ನ ತಾಯಿಯ ಮುಂದೆ ಹೇಳಿಕೊಂಡಿದ್ದಾಳೆ. ಈ ಕುರಿತು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.