ಮಂಗಳಯಾನ ಯೋಜನೆಗೆ ಕ್ಷಣಗಣನೆ

ಹೈದರಾಬಾದ್  (ಐಎಎನ್‌ಎಸ್):  ಭಾರತೀಯ ಬಾಹ್ಯಾಕಾಶ ಸಂಸ್ಥೆಯ ಭಾರೀ ನಿರೀಕ್ಷೆಯ ಮಂಗಳ ಯಾನ(ಮಿಷನ್ ಮಾರ್ಸ್)ಯೋಜನೆಗೆ ಇಸ್ರೋ ಸಜ್ಜುಗೊಂಡಿದ್ದು ಮಾನವರಹಿತ ಕೃತಕ ಉಪಗ್ರಹವನ್ನು ಇದೇ ಮಂಗಳವಾರ ಮಂಗಳನ ಆಂಗಳಕ್ಕೆ ಹಾರಿ ಬಿಡಲಾಗುವುದು ಎಂದು ಇಸ್ರೋ ಪ್ರಕಟಣೆಯಲ್ಲಿ ತಿಳಿಸಿದೆ.

ಇಡೀ ವಿಶ್ವವೇ ಕೂತುಹಲದಿಂದ  ಈ ಘಳಿಗೆಗೆ ಕಾಯುತ್ತಿದೆ. ನವೆಂಬರ್ 5 ಮಂಗಳವಾರ ಸುಮಾರು 2.30ಕ್ಕೆ ಪಿಎಸ್‌ಎಲ್‌ವಿ ರಾಕೆಟ್ ಮಂಗಳನ ಅಂಗಳಕ್ಕೆ ಸ್ವದೇಶಿ ನಿರ್ಮಾಣದ ಉಪಗ್ರಹವನ್ನು ಕೊಂಡೊಯ್ಯಲಿದೆ. ಆಂಧ್ರಪ್ರದೇಶದ ಶ್ರೀಹರಿಕೋಟಾ ಉಡ್ಡಾಯನ ಕೇಂದ್ರದಿಂದ ಉಡಾವಣೆ ಮಾಡಲಾಗುವುದು ಎಂದು ಇಸ್ರೋ ಪ್ರಕಟಣೆಯಲ್ಲಿ ತಿಳಿಸಿದೆ.

ಸುಮಾರು 450 ಕೋಟಿ ರೂಪಾಯಿ ವೆಚ್ಚದ ಈ ಯೋಜನೆಯನ್ನು ಭಾರತೀಯ ವಿಜ್ಞಾನಿಗಳು ಮತ್ತು ಎಂಜಿನಿಯರ್‌ಗಳು ಸಿದ್ಧಪಡಿಸಿದ್ದಾರೆ.    ಇದು ಯಶಸ್ವಿಯಾದರೆ ಮುಂದಿನ ದಿನಗಳಲ್ಲಿ ಮಂಗಳನ ಅಧ್ಯಯನಕ್ಕೆ ಮಾನವ ಸಹಿತ ನೌಕೆಯನ್ನು ಕಳುಹಿಸುವ ಯೋಜನೆ ಇದೆ ಎಂದು ಇಸ್ರೋ  ಪ್ರಕಟಣೆಯಲ್ಲಿ ತಿಳಿಸಿದೆ.