ಮೇನಲ್ಲಿ ಟೆಲಿಕಾಂ ನೀತಿ

ಕೋಲ್ಕತ್ತ (ಐಎಎನ್‌ಎಸ್): ಮೇ ತಿಂಗಳಲ್ಲಿ ಹೊಸ ಟೆಲಿಕಾಂ ನೀತಿಯನ್ನು ಪ್ರಕಟಿಸುವ ಸಾಧ್ಯತೆ ಇದೆ ಎಂದು ಕೇಂದ್ರ ದೂರಸಂಪರ್ಕ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಕಪಿಲ್ ಸಿಬಲ್ ಮಂಗಳವಾರ ಇಲ್ಲಿ ತಿಳಿಸಿದರು.

ಇಲ್ಲಿ ಆಯೋಜಿಸಿದ್ದ `ಬ್ರಾಡ್ ಬ್ಯಾಂಡ್ ವೈರ್‌ಲೆಸ್ ಆ್ಯಕ್ಸೆಸ್ ಸೇವೆ- 4ಜಿ~ಗೆ ಚಾಲನೆ ನೀಡಿ ಮಾತನಾಡಿದ ಅವರು, ಮಾಹಿತಿ ತಂತ್ರಜ್ಞಾನ ಮತ್ತು ಎಲೆಕ್ಟ್ರಾನಿಕ್ಸ್ ವಸ್ತುಗಳ ಉತ್ಪಾದನಾ ನೀತಿಯನ್ನು ಏಪ್ರಿಲ್ ತಿಂಗಳ ಕೊನೆಯಲ್ಲಿ  ಪ್ರಕಟಿಸಲಾಗುವುದು ಎಂದು ಹೇಳಿದರು.

`ದೇಶದಲ್ಲಿ 3 ಜಿ ಸೇವೆ ಸಮರ್ಪಕವಾಗಿಲ್ಲ ಎಂದು ಸ್ಪಷ್ಟಪಡಿಸಿದ ಸಿಬಲ್, ಅದನ್ನು ಖರೀದಿಸಿದ ಕಂಪೆನಿಗಳು ತರಂಗಾಂತರಗಳಿಗಾಗಿ ದೊಡ್ಡ ಪ್ರಮಾಣದಲ್ಲಿ ಹಣ ತೊಡಗಿಸಿವೆ.  ಆದರೆ ತರಂಗಾಂತರಗಳು ಆದಾಯ ತರದ ಕಾರಣ ಕಂಪೆನಿಗಳು ತಮಗೆ ಅಗತ್ಯವಿರುವ ಮೂಲಸೌಕರ್ಯಗಳನ್ನು ಪಡೆಯಲು ಸಾಧ್ಯವಾಗಿಲ್ಲ~ ಎಂದು ಹೇಳಿದ್ದಾರೆ.