ವೆಬ್‌ಸೈಟ್‌ಗಳ ಮೇಲೆ ನಿಗಾ: ಗೂಗಲ್ ಆಕ್ಷೇಪ

ನವದೆಹಲಿ (ಪಿಟಿಐ): ವೆಬ್‌ಸೈಟ್‌ಗಳ ಮೇಲೆ ನಿರ್ಬಂಧ ಹೇರುವ ಅಥವಾ ಅವು ಪ್ರಕಟಿಸುವ ವಿಷಯಗಳ ಮೇಲೆ ನಿಗಾ ಇಡುವ ಬೇಡಿಕೆಗೆ ಅಮೆರಿಕ ಮೂಲದ ಗೂಗಲ್ ಮತ್ತು ಇತರ 21 ವೆಬ್‌ಸೈಟ್ ಸಂಸ್ಥೆಗಳು ತೀವ್ರ ಆಕ್ಷೇಪ ವ್ಯಕ್ತಪಡಿಸಿವೆ.

ಈ ಕುರಿತು ಆಡಳಿತಾತ್ಮಕ ಸಿವಿಲ್ ನ್ಯಾಯಾಧೀಶ ಪ್ರವೀಣ್ ಸಿಂಗ್ ಅವರ ಎದುರು ತಮ್ಮ ಆಕ್ಷೇಪವನ್ನು ದಾಖಲಿಸಿರುವ ಗೂಗಲ್ ಮತ್ತು ಇತರ ಸಂಸ್ಥೆಗಳು, ಇಂತಹ ಚಿಂತನೆಯು ಭಾರತದ ಸಂವಿಧಾನದ ಅಭಿವ್ಯಕ್ತಿ ಸ್ವಾತಂತ್ರದ ಹಕ್ಕಿಗೆ ವಿರುದ್ಧ ಎಂದು ವಾದಿಸಿವೆ.