ಶಿಮ್ಲಾ ಅಪಘಾತ: 43 ಜನರ ಸಾವು

 ಶಿಮ್ಲಾ (ಪಿಟಿಐ): ಚಂಬಾ ಜಿಲ್ಲೆಯಲ್ಲಿ ಬುಧವಾರ ತಡರಾತ್ರಿ ನಡೆದ ಎರಡು ಪ್ರತ್ಯೇಕ ಅಪಘಾತಗಳಲ್ಲಿ ಒಟ್ಟು 43 ಜನರು ಸಾವಿಗೀಡಾಗಿದ್ದಾರೆ. ಒಂದು ಅಪಘಾತದಲ್ಲಿ ಮದುವೆಗೆ ಹೊರಟಿದ್ದ ತಂಡದ 34 ಜನ ಮೃತಪಟ್ಟಿದ್ದಾರೆ. ಈ ಅಪಘಾತಗಳಲ್ಲಿ ಎಂಟು ಮಂದಿ ಗಾಯಗೊಂಡಿದ್ದಾರೆ.

ಕಳೆದ ರಾತ್ರಿ ಮದುವೆ ಸಮಾರಂಭಕ್ಕೆ  40 ಜನರನ್ನು ಕರೆದೊಯ್ಯುತ್ತಿದ್ದ ಲಾರಿಯೊಂದು ಚಂಬಾ ಜಿಲ್ಲೆ ಯ ಷೇರುಪುರ್ ಗ್ರಾಮದ ಬಳಿ  ಉರುಳಿ ಈ ದುರ್ಘಟನೆ ನಡೆದಿದೆ ಎಂದು ಸಾರಿಗೆ ಸಚಿವ ಮೊಹಿಂದ್ರ ಸಿಂಘ್ ಗುರುವಾರ ವಿಧಾನ ಸಭೆಯಲ್ಲಿ ಹೇಳಿಕೆ ನೀಡಿದ್ದಾರೆ

 ಘಟನಾ ಸ್ಥಳದಲ್ಲಿಯೇ 32 ಜನರ ಸಾವೀಗೀಡಾಗಿದ್ದರು. ತೀವ್ರವಾಗಿ ಗಾಯಗೊಂಡಿದ್ದ  ಇಬ್ಬರು ಆಸ್ಪತ್ರೆಯಲ್ಲಿ ಅಸುನೀಗಿದ್ದಾರೆ. 

9 ಮಂದಿ ಸಾವು: ಚಂಬಾದಿಂದ 65 ಕಿ.ಮೀ ದೂರದ ಭರ್ಮಾಪುರ ಬಳಿ ನಡೆದ ಮತ್ತೊಂದು ಅಪಘಾತದಲ್ಲಿ ಖಾಸಗಿ ಸಂಸ್ಥೆಗೆ ಸೇರಿದ್ದ  9 ಮಂದಿ ಉದ್ಯೋಗಿಗಳು ಮೃತರಾಗಿದ್ದಾರೆ.

ಖಾಸಗಿ ಸಂಸ್ಥೆಯ ಉದ್ಯೋಗಿಗಳನ್ನು ರಾತ್ರಿ ಕೆಲಸದ ನಂತರ  ಅವರವರ ಮನೆಗಳಿಗೆ ಕರೆದೊಯ್ಯುತ್ತಿರುವ ಸಂದರ್ಭದಲ್ಲಿ ಅವರನ್ನು ಸಾಗಿಸುತ್ತಿದ್ದ ವಾಹನ 300 ಮೀಟರ್ ಆಳದ ರಸ್ತೆಯ ಬದಿಯ ಕೊಳ್ಳದಲ್ಲಿ ಬಿದ್ದು ಈ ಅಪಘಾತ ನಡೆದಿದೆ.