ಸೌಮಿತ್ರ ಚಟರ್ಜಿಗೆ ಫಾಲ್ಕೆ ಪ್ರಶಸ್ತಿ

ಕೋಲ್ಕತ್ತ (ಐಎಎನ್‌ಎಸ್/ಪಿಟಿಐ): ಹಿರಿಯ ಬಂಗಾಳಿ ನಟ ಸೌಮಿತ್ರ ಚಟರ್ಜಿ ಅವರನ್ನು ದೇಶದ ಅತ್ಯುನ್ನತ ಚಲನಚಿತ್ರ ಗೌರವವಾದ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಗೆ ಪ್ರಸಕ್ತ ಸಾಲಿಗಾಗಿ ಆಯ್ಕೆ ಮಾಡಲಾಗಿದೆ.

ಇದನ್ನು ಖಚಿತಪಡಿಸಿರುವ 77 ವರ್ಷದ ಚಟರ್ಜಿಯವರು ತಮ್ಮ ಆಯ್ಕೆಯಿಂದ ಸಂಪೂರ್ಣ ಸಂತಸವಾಗಿರುವುದಾಗಿ ಪ್ರತಿಕ್ರಿಯಿಸಿದ್ದಾರೆ. `ಭಾರತೀಯ ಸಿನೆಮಾ ರಂಗದಲ್ಲಿ ಜನರ ಪ್ರೀತಿಯೊಂದಿಗೆ ತಾವು ಮಾಡಿದ ಜೀವಮಾನ ಕಾರ್ಯವನ್ನು ಗುರುತಿಸಿ ಈ ಉನ್ನತ ಗೌರವ ನೀಡಲಾಗಿದೆ~ ಎಂದು ಅವರು ಕೃತಜ್ಞತೆ ಸಲ್ಲಿಸಿದ್ದಾರೆ.

ಖ್ಯಾತ ನಿರ್ದೇಶಕ ಸತ್ಯಜಿತ್ ರೇ ಅವರ ಹಲವು ಚಿತ್ರಗಳಲ್ಲಿ ಚಟರ್ಜಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡು ಜನಪ್ರಿಯತೆ ಪಡೆದಿದ್ದರು.