ಭಾರತದ 20 ಮೀನುಗಾರರನ್ನು ಬಿಡುಗಡೆಗೊಳಿಸಿದ ಪಾಕ್‌

ಕರಾಚಿ: ತನ್ನ ದೇಶದ ವ್ಯಾಪ್ತಿಯಲ್ಲಿರುವ ಸಮುದ್ರದಲ್ಲಿ ಅಕ್ರಮವಾಗಿ ಮೀನುಗಾರಿಕೆ ಮಾಡುತ್ತಿದ್ದಾರೆ ಎಂಬ ಆರೋಪದ ಮೇಲೆ, ಕಳೆದ ಐದು ವರ್ಷಗಳಿಂದ ಜೈಲು ಶಿಕ್ಷೆ ಅನುಭವಿಸುತ್ತಿದ್ದ ಭಾರತದ 20 ಮಂದಿ ಮೀನುಗಾರರನ್ನು ಪಾಕಿಸ್ತಾನವು ಸೌಹಾರ್ದತೆಯ ಆಧಾರದ ಮೇಲೆ ಭಾನುವಾರ ಬಿಡುಗಡೆಗೊಳಿಸಿದೆ.

‘20 ಮೀನುಗಾರರನ್ನು ಲಾಂಧಿ ಪ್ರದೇಶದ ಮಾಲಿರ್‌ ಜೈಲಿನಲ್ಲಿರಿಸಲಾಗಿತ್ತು. ಅವರನ್ನು ಈಧಿ ಸಂಸ್ಥೆಯ ಉಸ್ತುವಾರಿ ಹಾಗೂ ಪೊಲೀಸರ ರಕ್ಷಣೆಯೊಂದಿಗೆ ವಾಘಾ ಗಡಿಯಲ್ಲಿನ ಭಾರತದ ಅಧಿಕಾರಿಗಳಿಗೆ ಹಸ್ತಾಂತರಿಸಲಾಗಿದೆ’ ಎಂದು ಜೈಲ್‌ ಸೂಪರಿಂಟೆಂಡೆಂಟ್‌ ಮಹಮದ್‌ ಇರ್ಷಾದ್‌ ಹೇಳಿದರು.