ನಾಳೆ ಬೃಂದಾವನದಲ್ಲಿ ಕುಂಭಮೇಳ ಆರಂಭ

ಮಥುರಾ (ಉತ್ತರಪ್ರದೇಶ): ಇಲ್ಲಿನ ಉತ್ತರ ಪ್ರದೇಶ ಬ್ರಜ್‌ ತೀರ್ಥ ವಿಕಾಸ್‌ ಪರಿಷತ್‌ ಆಯೋಜಿಸುವ 40 ದಿನಗಳ ’ಕುಂಭ ಬೈಠಕ್‌‘ ಬೃಂದಾವನದಲ್ಲಿ ಭಾನುವಾರ ಆರಂಭವಾಗಲಿದೆ. ಪ್ರಸಿದ್ಧ ಹರಿದ್ವಾರ ಕುಂಭಮೇಳಕ್ಕೆ ಪೂರ್ವಭಾವಿಯಾಗಿ ಈ ಮೇಳ ನಡೆಯುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಮೇಳದಲ್ಲಿ ಭಾರಿ ಸಂಖ್ಯೆಯಲ್ಲಿ ಸಂತರು ಹಾಗೂ ಸಾಧುಮುನಿಗಳು ಭಾಗವಹಿಸಲಿದ್ದು, ರಾಜ್ಯ ಸರ್ಕಾರವು ಭಾರಿ ಸಿದ್ದತೆಯನ್ನು ನಡೆಸಿದೆ ಎಂದು ಉತ್ತರ ಪ್ರದೇಶ ಬ್ರಜ್‌ ತೀರ್ಥ ವಿಕಾಸ್‌ ಪರಿಷತ್‌ನ ಉಪಾಧ್ಯಕ್ಷ ಶೈಲಜಕಾಂತ್‌ ಮಿಶ್ರಾ ತಿಳಿಸಿದ್ದಾರೆ.

’ಮೊದಲ ಪವಿತ್ರ ಸ್ನಾನ ಇದೇ 16ರಂದು ನಡೆಯಲಿದೆ. ಇದೇ 14ರಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ಮೇಳ ಉದ್ಘಾಟಿಸಲಿದ್ದಾರೆ‘ ಎಂದು ಅವರು ಹೇಳಿದ್ದಾರೆ.