‘5ಜಿ’: ಭದ್ರತೆ ಪರಿಶೀಲನೆ ಬಳಿಕ ‘ಹುವೈ’ಗೆ ಅವಕಾಶ

ನವದೆಹಲಿ: ಭದ್ರತೆಗೆ ಸಂಬಂಧಿಸಿದ ಎಲ್ಲ ವಿಷಯಗಳನ್ನು ಪರಾಮರ್ಶಿಸಿದ ಬಳಿಕವೇ ದೇಶದಲ್ಲಿ ‘5ಜಿ’ ತಂತ್ರಜ್ಞಾನ ಅನುಷ್ಠಾನಗೊಳಿಸಲು ಚೀನಾ ಕಂಪನಿಗಳಿಗೆ ಅವಕಾಶ ನೀಡಲಾಗುವುದು ಎಂದು ದೂರಸಂಪರ್ಕ ಇಲಾಖೆ ತಿಳಿಸಿದೆ.

ಚೀನಾದ ದೂರಸಂಪರ್ಕ ಕಂಪನಿಗಳ ಬಗ್ಗೆ ಹಲವು ದೇಶಗಳು ಅನುಮಾನ ವ್ಯಕ್ತಪಡಿಸಿರುವುದರಿಂದ ಕೇಂದ್ರ ಸರ್ಕಾರ ಈ ಕ್ರಮಕೈಗೊಳ್ಳಲಿದೆ.

ಚೀನಾದ ‘ಹುವೈ’ ಕಂಪನಿ ‘5ಜಿ ’ಪ್ರಯೋಗಗಳಲ್ಲಿ ಅವಕಾಶ ನೀಡಬೇಕು ಎಂದು ಸರ್ಕಾರವನ್ನು ಕೋರಿತ್ತು. ದೂರ ಸಂಪರ್ಕ ಇಲಾಖೆ ಇದಕ್ಕಾಗಿ ತಜ್ಞರ ಸಮಿತಿಯನ್ನು ರಚಿಸಿದೆ. ತರಂಗಾಂತರಗಳು, ಸ್ಥಳ ಇತ್ಯಾದಿ ಅಂಶಗಳ ಬಗ್ಗೆ ಸಮಿತಿ ಪರಿಶೀಲನೆ ನಡೆಸಲಿದೆ.