ಪಾಕ್‌ನಿಂದ ಮತ್ತೆ ಗುಂಡಿನ ದಾಳಿ: ಮೂವರು ಯೋಧರಿಗೆ ಗಾಯ

ಜಮ್ಮು: ಪೂಂಛ್‌ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆ ಬಳಿ ಪಾಕಿಸ್ತಾನ ಸೇನೆ ಮತ್ತೆ ಗುಂಡಿನ ದಾಳಿ ನಡೆಸಿದ್ದು, ಮೂವರು ಭಾರತೀಯ ಯೋಧರಿಗೆ ಸಣ್ಣ–ಪುಟ್ಟ ಗಾಯಗಳಾಗಿವೆ.

ಪೂಂಛ್‌ನ ಕೃಷ್ಣಘಾಟಿ ವಲಯದಲ್ಲಿ ಪಾಕಿಸ್ತಾನವು ಗುರುವಾರ ರಾತ್ರಿಯಿಡೀ ಗುಂಡಿನ ಹಾಗೂ ಷೆಲ್‌ ದಾಳಿ ನಡೆಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದೇ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯ ಬಳಿ ಗುರುವಾರ ಪಾಕಿಸ್ತಾನವು ನಡೆಸಿದ್ದ ಷೆಲ್‌ ದಾಳಿಯಲ್ಲಿ 45  ವರ್ಷದ ಮಹಿಳೆ ಮತಪಟ್ಟಿದ್ದರು.