ಲಸಿಕೆ ಕೊರತೆಯಿಂದ ಜೀವಕ್ಕೆ ಅಪಾಯ: ಫಿಕ್ಕಿ

ನವದೆಹಲಿ: ಕೋವಿಡ್–19 ಲಸಿಕೆಗೆ ಬರುತ್ತಿರುವ ಬೇಡಿಕೆ ಹಾಗೂ ಆಗುತ್ತಿರುವ ಪೂರೈಕೆ ನಡುವೆ ಭಾರಿ ಅಂತರ ಇದೆ, ಲಸಿಕೆಯ ತೀವ್ರ ಕೊರತೆಯು ಜನರ ಜೀವವನ್ನು ಅಪಾಯಕ್ಕೆ ತಂದೊಡ್ಡಿದೆ ಎಂದು ಭಾರತೀಯ ವಾಣಿಜ್ಯೋದ್ಯಮ ಮಹಾಸಂಘ (ಫಿಕ್ಕಿ) ಆತಂಕ ವ್ಯಕ್ತಪಡಿಸಿದೆ.

‘ಕೊರೊನಾ ಸೋಂಕಿನ ಪ್ರಕರಣಗಳು ಹೆಚ್ಚುತ್ತಿರುವ ಕಾರಣ, ಲಸಿಕೆಗಳು ಲಭ್ಯವಾಗುವ ಪ್ರಮಾಣವನ್ನು ಸಮರೋಪಾದಿಯಲ್ಲಿ ಹೆಚ್ಚಿಸಬೇಕು’ ಎಂದು ಅದು ಹೇಳಿದೆ.