‘ಅದಾನಿ ಸಮೂಹದಿಂದ ಕಾರೈಕಲ್ ಬಂದರು ಸ್ವಾಧೀನ ಪೂರ್ಣ’

ನವದೆಹಲಿ: ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿಯ (ಎನ್‌ಸಿಎಲ್‌ಟಿ) ಅನುಮೋದನೆ ದೊರೆತ ಹಿನ್ನೆಲೆಯಲ್ಲಿ ಪುದುಚೇರಿಯ ಕಾರೈಕಲ್ ಬಂದರು ಸ್ವಾಧೀನಪಡಿಸಿಕೊಳ್ಳುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಾಗಿದೆ ಎಂದು ಅದಾನಿ ಬಂದರುಗಳು ಮತ್ತು ವಿಶೇಷ ಆರ್ಥಿಕ ವಲಯ ನಿಯಮಿತ (ಎಪಿಎಸ್‌ಇಝಡ್) ಶನಿವಾರ ತಿಳಿಸಿದೆ.

ಒಟ್ಟು ₹1,485 ಕೋಟಿ ಮೊತ್ತಕ್ಕೆ ಈ ಬಂದರನ್ನು ಸ್ವಾಧೀನಪಡಿಸಿಕೊಳ್ಳಲಾಗಿದೆ. ಈ ಬಂದರು ಒಟ್ಟು ಐದು ದಕ್ಕೆಗಳನ್ನು ಒಳಗೊಂಡಿದ್ದು, ಮೂರು ರೈಲು ಮಾರ್ಗಗಳ ಸಂಪರ್ಕ ಹೊಂದಿದೆ. ವಾರ್ಷಿಕ 21.5 ಕೋಟಿ ಟನ್‌ ಸರಕು ನಿರ್ವಹಣಾ ಸಾಮರ್ಥ್ಯ ಹೊಂದಿದೆ ಎಂದು ಎಪಿಎಸ್‌ಇಝಡ್‌ ತಿಳಿಸಿದೆ.