ನವದೆಹಲಿ: ಅಫ್ಗಾನಿಸ್ತಾನದಿಂದ ನ್ಯಾಟೊ ಮತ್ತು ಅಮೆರಿಕದ ವಿಮಾನಗಳ ಮೂಲಕ ಸ್ಥಳಾಂತರಗೊಂಡಿದ್ದ 146 ಮಂದಿ ಭಾರತೀಯರನ್ನು ಸೋಮವಾರ ಕತಾರ್ನ ರಾಜಧಾನಿ ದೋಹಾದಿಂದ ನಾಲ್ಕು ವಿಮಾನಗಳ ಮೂಲಕ ಭಾರತಕ್ಕೆ ಕರೆತರಲಾಯಿತು.
ದೋಹಾದಿಂದ ಕರೆತರಲಾದ ಎರಡನೇ ತಂಡ ಇದಾಗಿದೆ. ಭಾನುವಾರ 135 ಮಂದಿಯನ್ನು ಕರೆತರಲಾಗಿತ್ತು. ಇವರೆಲ್ಲ ವಿವಿಧ ಕಂಪನಿಗಳಿಗಾಗಿ ಅಫ್ಗಾನಿಸ್ತಾನದಲ್ಲಿ ಕೆಲಸ ಮಾಡುತ್ತಿದ್ದ ಸಿಬ್ಬಂದಿಯಾಗಿದ್ದರು.
ಸೋಮವಾರ ಕರೆತರಲಾದ ಭಾರತೀಯರ ಪೈಕಿ 104 ಮಂದಿ ವಿಸ್ತಾರಾ ವಿಮಾನದಲ್ಲಿ ಬಂದಿಳಿದರೆ, 30 ಮಂದಿ ಕತಾರ್ ಏರ್ವೇಸ್ನಲ್ಲಿ, 11 ಮಂದಿ ಇಂಡಿಯೊ ವಿಮಾನದಲ್ಲಿ ಹಾಗೂ ಒಬ್ಬರು ಏರ್ ಇಂಡಿಯಾ ವಿಮಾನದಲ್ಲಿ ವಾಪಸಾದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಭಾರತವು ಭಾನುವಾರ ಅಫ್ಗನ್ನ ಇಬ್ಬರು ಸಂಸದರ ಸಹಿತ 392 ಮಂದಿಯನ್ನು ಮೂರು ವಿವಿಧ ವಿಮಾನಗಳ ಮೂಲಕ ಕರೆತಂದಿತ್ತು.
ವಿಶ್ವಸಂಸ್ಥೆಯಿಂದ 120 ಮಂದಿ ಸ್ಥಳಾಂತರ:ವಿಶ್ವಸಂಸ್ಥೆಯ ವತಿಯಿಂದಲೂ ಕಾಬೂಲ್ನಿಂದ ಜನರನ್ನು ಸ್ಥಳಾಂತರಿಸುವ ಕೆಲಸ ಆರಂಭವಾಗಿದ್ದು, 120 ಮಂದಿಯನ್ನು ಕಜಕಿಸ್ತಾನದ ಅಲ್ಮಾಟಿಗೆ ಕರೆದೊಯ್ಯಲಾಗಿದೆ ಎಂದು ಮಹಾಪ್ರಧಾನ ಕಾರ್ಯದರ್ಶಿ ಆಂಟೆನಿಯೊ ಗುಟೆರಸ್ ಅವರ ವಕ್ತಾರ ಸ್ಟೀಫನೆ ಡುಜರಿಕ್ ತಿಳಿಸಿದ್ದಾರೆ.
ಕಳೆದ ವಾರವೂ ಒಂದು ವಿಮಾನದಲ್ಲಿ 100 ಮಂದಿಯನ್ನು ಇದೇ ರೀತಿ ಕಜಕಿಸ್ತಾನಕ್ಕೆ ಸ್ಥಳಾಂತರಿಸಲಾಗಿತ್ತು. ಇವರೆಲ್ಲ ವಿವಿಧ ಸರ್ಕಾರೇತರ ಸಂಘಟನೆಗಳಲ್ಲಿ ಕೆಲಸ ಮಾಡುತ್ತಿದ್ದ ಸಿಬ್ಬಂದಿಯಾಗಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಇವನ್ನೂಓದಿ
*ಅಫ್ಗನ್ ತೊರೆವ ಧಾವಂತ: 7 ಬಲಿ
*ಮಾಜಿ ಅಧ್ಯಕ್ಷ ಅಶ್ರಫ್ ಘನಿ ಅಫ್ಗಾನಿಸ್ತಾನಕ್ಕೆ ಮರಳಬಹುದು: ತಾಲಿಬಾನ್
*ಆಫ್ಗಾನ್ನಿಂದ ಸೇನೆ ಹಿಂತೆಗೆತ ತಾರ್ಕಿಕ ಮತ್ತು ಸರಿಯಾದ ನಿರ್ಧಾರ: ಬೈಡನ್
*ಅಫ್ಗಾನ್ ತಾಲಿಬಾನ್ ವಶವಾಗಲು ಪಾಕ್ ಗುಪ್ತಚರ ಸಂಸ್ಥೆ ಕೈವಾಡ: ಅಮೆರಿಕ ಸಂಸದ
*ಕಾಬೂಲ್ನಿಂದ ಜನರ ಸ್ಥಳಾಂತರ ಪ್ರಕ್ರಿಯೆ ಇನ್ನಷ್ಟು ತ್ವರಿತ: ಜೋ ಬೈಡನ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.