ಅಫ್ಗಾನ್–ಪಾಕ್‌ ಸಂ‌‌ಘರ್ಷ: ಇಬ್ಬರ ಸಾವು

ಕಾಬೂಲ್: ಅಫ್ಗಾನಿಸ್ತಾನ ಮತ್ತು ಪಾಕಿಸ್ತಾನ ಪಡೆಗಳ ನಡುವೆ ಗಡಿಭಾಗದಲ್ಲಿ ನಡೆಯುತ್ತಿರುವ ಸಂಘರ್ಷ ತೀವ್ರಗೊಂಡಿದೆ.

ತಿಂಗಳುಗಳಿಂದ ಗಡಿಯಲ್ಲಿ ಸಂಘರ್ಷ ನಡೆಯುತ್ತಿತ್ತು. ಆದರೆ ಅಫ್ಗಾನಿಸ್ತಾನ ಗುರುವಾರದಿಂದ ಗಡಿಯುದ್ದಕ್ಕೂ ದಾಳಿಯನ್ನು ತೀವ್ರಗೊಳಿಸಿದ್ದರಿಂದ ಪರಿಸ್ಥಿತಿಯು ಉದ್ವಿಗ್ನಗೊಂಡಿತ್ತು. ಪಾಕಿಸ್ತಾನವು  ವಾಯುದಾಳಿ ಮೂಲಕ ಪ್ರತ್ಯುತ್ತರ ನೀಡುತ್ತಿದೆ.

ರಾತ್ರಿಯಿಡಿ ದಾಳಿ–ಪ್ರತಿದಾಳಿ ನಡೆದಿದ್ದು, ಡ್ರೋನ್ ದಾಳಿಯಲ್ಲಿ ಇಬ್ಬರು ನಾಗರಿಕರು ಮತಪಟ್ಟಿದ್ದಾರೆ ಎಂದು ಅಫ್ಗಾನಿಸ್ತಾನ ಅಧಿಕಾರಿಗಳು ತಿಳಿಸಿದ್ದಾರೆ.

ರಾಜಧಾನಿ ಕಾಬೂಲ್‌ನ ಉತ್ತರದಲ್ಲಿ ನಡೆದ ವಾಯುದಾಳಿಯು ಬಾಗ್ರಮ್‌ ವಾಯುನೆಲೆಯನ್ನು ನಾಶಮಾಡಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.