ದತ್ತಾಂಶ ಸೋರಿಕೆ ಆರೋಪ: ತನಿಖೆಗೆ ಆದೇಶ

ತಿರುವನಂತಪುರ: ಕೋವಿಡ್‌–19 ರೋಗಿಗಳಿಗೆ ಸಂಬಂಧಿಸಿದ ಮಾಹಿತಿ ಯನ್ನು ಬೆಂಗಳೂರು ಮೂಲದ ಕಂಪನಿ ಯೊಂದಕ್ಕೆ ಸೋರಿಕೆ ಮಾಡಿರುವ ಆರೋಪ ಕುರಿತು ತನಿಖೆ ನಡೆಸುವಂತೆ ಕೇರಳ ಪೊಲೀಸ್‌ ಮುಖ್ಯಸ್ಥ ಲೋಕನಾಥ್‌ ಬೆಹೆರಾ ಆದೇಶಿಸಿದ್ದಾರೆ.

ಕಾಸರಗೋಡು, ಕಣ್ಣೂರು ಹಾಗೂ ಕೋಯಿಕ್ಕೋಡ್‌ ಜಿಲ್ಲೆಗಳ ರೋಗಿಗಳ ವಿವರ ಗಳನ್ನು ಸೋರಿಕೆ ಮಾಡಲಾಗಿದೆ ಎಂಬುದು ಆರೋಪ. ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಚಿಕಿತ್ಸೆ ನೀಡುವುದಾಗಿ ಹೇಳಿ ಬೆಂಗಳೂರು ಹಾಗೂ ಕೇರಳದ ಕೆಲವು ಆಸ್ಪತ್ರೆಗಳಿಂದ ತಮಗೆ ಕರೆ ಬಂದಿದ್ದಾಗಿ ಈ ಜಿಲ್ಲೆಗಳ ರೋಗಿಗಳು ದೂರಿದ ಹಿನ್ನೆಲೆಯಲ್ಲಿ ತನಿಖೆಗೆ ಆದೇಶಿಸಲಾಗಿದೆ.