ನವದೆಹಲಿ: ಆಶಾ ಮೇಲ್ವಿಚಾರಕರ ಪರಿಶೀಲನಾ ಭೇಟಿ ಭತ್ಯೆ ಹೆಚ್ಚಿಸಲಾಗಿದೆ.
ಪ್ರತಿ ಭೇಟಿಗೆ ಈಗಿರುವ ₹250ರಿಂದ ₹300ಕ್ಕೆ ಹೆಚ್ಚಿಸಲು ಕೇಂದ್ರದ ಆರ್ಥಿಕ ವ್ಯವಹಾರಗಳ ಸಚಿವ ಸಂಪುಟ ಸಮಿತಿ ಅನುಮೋದನೆ ನೀಡಿದೆ. ಈ ತಿಂಗಳಿಂದಲೇ ಪರಿಷ್ಕೃತ ಭತ್ಯೆ ಜಾರಿಯಾಗಲಿದೆ.
ಈ ಹೆಚ್ಚುವರಿ ಭತ್ಯೆಯಿಂದ ಆಶಾ ಮೇಲ್ವಿಚಾರಕರಿಗೆ ಪ್ರತಿ ತಿಂಗಳು ₹5 ಸಾವಿರ ಬದಲು ₹6 ಸಾವಿರ ದೊರೆಯಲಿದೆ. ಕೇಂದ್ರದ ಈ ನಿರ್ಧಾರದಿಂದ 41,405 ಆಶಾ ಮೇಲ್ವಿಚಾರಕರಿಗೆ ಅನುಕೂಲವಾಗಲಿದೆ.
ಆಶಾ ಮೇಲ್ವಿಚಾರಕರು ಸುಮಾರು 10ರಿಂದ 25 ಆಶಾ ಕಾರ್ಯಕರ್ತರ ಕಾರ್ಯಕ್ಷಮತೆ ಮೇಲೆ ನಿಗಾವಹಿಸುತ್ತಾರೆ. ಆಶಾ ಕಾರ್ಯಕರ್ತರಲ್ಲೇ ಒಬ್ಬರನ್ನು ಆಶಾ ಮೇಲ್ವಿಚಾರಕರನ್ನಾಗಿ ನೇಮಿಸಲಾಗುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.