ಆಶ್ರಮಕ್ಕೆ ಬೆಂಕಿ: ‘ಸಂಘ ಪರಿವಾರದ ಕೈವಾಡ ಶಂಕೆ’

ತಿರುವನಂತಪುರ: ಶಬರಿಮಲೆ ದೇವಸ್ಥಾನದೊಳಗೆ ಮಹಿಳೆಯರ ಪ್ರವೇಶಕ್ಕೆ ಬೆಂಬಲ ನೀಡಿದ್ದ ಸ್ವಾಮಿ ಸಂದೀಪಾನಂದ ಗಿರಿ ಅವರ ಆಶ್ರಮದ ಮೇಲೆ ಶನಿವಾರ ಬೆಳಗಿನ ಜಾವ ಏಕಾಏಕಿ ದಾಳಿ ನಡೆಸಿದ ದುಷ್ಕರ್ಮಿಗಳ ಗುಂಪು ಬೆಂಕಿ ಹಚ್ಚಿ ಪರಾರಿಯಾಗಿದೆ.

ಇದನ್ನೂ ಓದಿ:ಶಬರಿಮಲೆ ವಿವಾದ: ಸುಪ್ರೀಂ ತೀರ್ಪು ಬೆಂಬಲಿಸಿದ್ದ ಸ್ವಾಮೀಜಿ ಆಶ್ರಮಕ್ಕೆ ಬೆಂಕಿ

ಆಶ್ರಮದಲ್ಲಿದ್ದ ಎರಡು ಕಾರು ಮತ್ತು ಎರಡು ಸ್ಕೂಟರ್‌ ಬೆಂಕಿಗಾಹುತಿಯಾಗಿವೆ. ಆಶ್ರಮಕ್ಕೆ ಭೇಟಿ ನೀಡಿ ಪರಿಶೀಲಿಸಿದ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಮತ್ತು ಸಚಿವೆ ಕೆ.ಕೆ. ಶೈಲಜಾ ಅವರು ಕೃತ್ಯವನ್ನು ಖಂಡಿಸಿದ್ದಾರೆ.

ಇದನ್ನೂ ಓದಿ:ಅಯ್ಯಪ್ಪ ಭಕ್ತರ ಬೆಂಬಲಕ್ಕೆ ಬಿಜೆಪಿ: ಅಮಿತ್‌ ಶಾ

ಕೋಮುವಾದಿ ಶಕ್ತಿಗಳು ಕಾನೂನು ಕೈಗೆ ತೆಗೆದುಕೊಳ್ಳಲು ಅವಕಾಶ ನೀಡುವುದಿಲ್ಲ ಎಂದು ಪಿಣರಾಯಿ ಗುಡುಗಿದ್ದಾರೆ.

ಆಶ್ರಮ ಮೇಲೆ ನಡೆದ ದಾಳಿಯ ಹಿಂದೆ ಆರ್‌ಎಸ್‌ಎಸ್ ಮತ್ತು ಸಂಘ ಪರಿವಾರದ ಕೈವಾಡ ಇದೆ ಎಂದು ಸಂದೀಪಾನಂದ ಗಿರಿ ಶಂಕಿಸಿದ್ದಾರೆ.

ಸಚಿವೆ ಶೈಲಜಾ ಕೂಡಾ ಇದು ಸಂಘ ಪರಿವಾರದ ಕೃತ್ಯ ಎಂದು ಆರೋಪಿಸಿದ್ದಾರೆ.

ಆರೋಪವನ್ನು ತಳ್ಳಿ ಹಾಕಿರುವ ಬಿಜೆಪಿಯ ನಾಯಕ ಪಿ.ಕೆ. ಕೃಷ್ಣದಾಸ್‌, ಶಬರಿಮಲೆ ವಿವಾದಿಂದ ಜನರ ಗಮನವನ್ನು ಬೇರೆಡೆ ಸೆಳೆಯಲು ಸಿಪಿಎಂ ಸೃಷ್ಟಿಸಿದ ನಾಟಕವಿದು ಎಂದು ಟೀಕಿಸಿದ್ದಾರೆ.