ಭರತನಾಟ್ಯ ಕಲಾವಿದೆ ಸರೋಜಾ ವೈದ್ಯನಾಥನ್‌ ನಿಧನ

ನವದೆಹಲಿ: ಭರತನಾಟ್ಯ ಕಲಾವಿದೆ ಸರೋಜಾ ವೈದ್ಯನಾಥನ್‌ (86) ಅವರು ಗುರುವಾರ ಇಲ್ಲಿ ನಿಧನರಾದರು.

‘ಸರೋಜಾ ಅವರು ಕೆಲ ಕಾಲದಿಂದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದರು’ ಎಂದು ಅವರ ಸೊಸೆ ಹಾಗೂ ನೃತ್ಯ ಕಲಾವಿದೆ ರಮಾ ವೈದ್ಯನಾಥನ್‌ ತಿಳಿಸಿದ್ದಾರೆ. ಅಂತ್ಯ ಸಂಸ್ಕಾರ ನವದೆಹಲಿಯ ಲೋಧಿ ಸ್ಮಶಾನದಲ್ಲಿ ಶುಕ್ರವಾರ ನಡೆಯಲಿದೆ.

ಸರೋಜಾ ಅವರು 2002ರಲ್ಲಿ ‘ಪದ್ಮಶ್ರೀ’ ಹಾಗೂ 2013ರಲ್ಲಿ ‘ಪದ್ಮಭೂಷಣ’ ಪುರಸ್ಕಾರಕ್ಕೆ ಭಾಜನರಾಗಿದ್ದರು.