ಬಿಹಾರ: ಸಿಡಿಲಿಗೆ 33 ಮಂದಿ ಸಾವು

ಪಟ್ನಾ: ಬಿಹಾರದಲ್ಲಿ ಕಳೆದ ಎರಡು ದಿನಗಳಲ್ಲಿ ಸಿಡಿಲು ಬಡಿದು ಕನಿಷ್ಠ 33 ಜನ ಮೃತಪಟ್ಟಿದ್ದಾರೆ ಮತ್ತು ಆರು ಮಂದಿ ಗಾಯಗೊಂಡಿದ್ದಾರೆ ಎಂದು ರಾಜ್ಯ ವಿಪತ್ತು ನಿರ್ವಹಣಾ ಇಲಾಖೆ ಶುಕ್ರವಾರ ತಿಳಿಸಿದೆ.

ಸಿಡಿಲು ಬಡಿದು ನಳಂದಾ ಮತ್ತು ವೈಶಾಲಿಯಲ್ಲಿ ತಲಾ ಆರು ಮಂದಿ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ. ಶೇಖ್‌ಪುರದಲ್ಲಿ ಐದು, ಪಟ್ನಾ ಮತ್ತು ಔರಂಗಾಬಾದ್‌ನಲ್ಲಿ ತಲಾ ಮೂವರು ಮತ್ತು ನವಾದಾ ಮತ್ತು ಬಾಂಕಾದಲ್ಲಿ ತಲಾ ಇಬ್ಬರು ಮೃತಪಟ್ಟಿದ್ದಾರೆ.

ಭೋಜಪುರ, ಭಾಗಲ್ಪುರ, ಗಯಾಜಿ, ರೊಹ್ಟಾಸ್, ಸಮಸ್ಟಿಪುರ ಮತ್ತು ಜಮುಯಿಯಲ್ಲಿ ಆರು ಮಂದಿ ಮೃತಪಟ್ಟಿದ್ದಾರೆ.