ಇಸ್ಲಾಂ ವಿ.ವಿ.ಪಠ್ಯಕ್ರಮದಲ್ಲಿ ಬಿಜೆಪಿ ಪುಸ್ತಕ

ನವದೆಹಲಿ : ಇಂಡೊನೇಷ್ಯಾದ ಇಸ್ಲಾಮಿಕ್‌ ವಿಶ್ವವಿದ್ಯಾಲಯದ ಪದವಿ ತರಗತಿಗಳ ಪಠ್ಯಕ್ರಮದಲ್ಲಿ, ಬಿಜೆಪಿ ಕುರಿತ ಪುಸ್ತಕವನ್ನು ಸೇರಿಸಲಾಗಿದೆ. ಶಂತನು ಗುಪ್ತಾ ರಚಿತ ‘ಭಾರತೀಯ ಜನತಾ ಪಾರ್ಟಿ– ಪಾಸ್ಟ್‌, ಪ್ರೆಸೆಂಟ್‌ & ಫ್ಯೂಚರ್‌’ ಎಂಬ ಇಂಗ್ಲಿಷ್‌ ಕೃತಿಯನ್ನು ವಿಶ್ವವಿದ್ಯಾಲಯದ ಅಂತರರಾಷ್ಟ್ರೀಯ ಸಂಬಂಧಗಳ ವಿಭಾಗದ ಪಠ್ಯಕ್ರಮದಲ್ಲಿ ಸೇರ್ಪಡೆ ಮಾಡಲಾಗಿದೆ.

‘ಬಿಜೆಪಿ ಎರಡನೇ ಬಾರಿಗೆ ಅಧಿಕಾರದ ಚುಕ್ಕಾಣಿ ಹಿಡಿದಿರುವುದು ಶೈಕ್ಷಣಿಕ ವಲಯದಲ್ಲಿ ಭಾರಿ ಕುತೂಹಲ, ಆಸಕ್ತಿ ಮೂಡಿಸಿದೆ’ ಎಂದು ವಿಭಾಗದ ಹದ್ಜಾ ಮಿನ್‌ ಫದ್ಹ್ಲಿ ಹೇಳಿದ್ದಾರೆ.