ಬಿಜೆಪಿ ಸಂಸದರಿಗೆ ‘ವಿಪ್‌’ ಜಾರಿ

ನವದೆಹಲಿ: ಬಜೆಟ್‌ ಅಧಿವೇಶನದ ಉಳಿದಿರುವ ಕಲಾಪಗಳಿಗೆ ತಪ್ಪದೆ ಹಾಜರಿರುವಂತೆ ಬಿಜೆಪಿ ತನ್ನ ಲೋಕಸಭಾ ಸಂಸದರಿಗೆ ‘ವಿಪ್‌’ ಜಾರಿ ಮಾಡಿದೆ.

‘ವಿಪ್‌’ ಜಾರಿ ಗುರುವಾರದಿಂದ ಜಾರಿಗೆ ಬಂದಿದೆ. ಸೋಮವಾರದವರೆಗೂ ವಿಪ್‌ ಜಾರಿಯಲ್ಲಿ ಇರಲಿದೆ. ಕಲಾ‍ಪಕ್ಕೆ ಸಂಸದರು ಕಡ್ಡಾಯವಾಗಿ ಹಾಜರಿರಬೇಕು ಎಂದು ಬಿಜೆಪಿ ತಿಳಿಸಿದೆ.

ಬಜೆಟ್‌ ಅಧಿವೇಶನ ಸೋಮವಾರ ಮುಕ್ತಾಯವಾಗಲಿದೆ. ಆದರೆ ಕೆಲವು ಪಕ್ಷಗಳು ಕಲಾಪವನ್ನು ಶುಕ್ರವಾರದವರೆಗೂ ಮುಂದುವರೆಸಬೇಕು ಎಂದು ಆಗ್ರಹಿಸಿವೆ.

ಸದ್ಯ ಅಧಿವೇಶನದಲ್ಲಿ ಬಜೆಟ್‌ ಮೇಲಿನ ಚರ್ಚೆ ನಡೆಯುತ್ತಿದೆ. ಅದಾನಿ ಸಮೂಹ ಗದ್ದಲದಿಂದ ಕಲಾಪವನ್ನು ಹಲವು ಸಲ ಮುಂದೂಡಲಾಗಿತ್ತು.