ರಾಜನಾಥ್ ಸಿಂಗ್ ಪುತ್ರ ಪಂಕಜ್‌ಗೆ 1.81 ಲಕ್ಷ ಮತಗಳ ಅಂತರದ ಗೆಲುವು

ನೋಯ್ಡ: ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಪುತ್ರ, ಬಿಜೆಪಿಯ ಪಂಕಜ್ ಸಿಂಗ್ ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆಯಲ್ಲಿ ನೋಯ್ಡ ಕ್ಷೇತ್ರದಲ್ಲಿ 1,81,513 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.

ಪಂಕಜ್ ಸಿಂಗ್ 2,44,319 ಮತಗಳನ್ನು ಪಡೆದರೆ, ಎಸ್‌ಪಿಯ ಸುನೀಲ್ ಚೌಧರಿ 62,806 ಮತಗಳನ್ನು ಪಡೆದರು. ಬಿಎಸ್‌ಪಿಯ ಕೃಪಾ ರಾಮ್ ಶರ್ಮಾ 16,292 ಮತಗಳನ್ನು ಪಡೆದಿದ್ದಾರೆ.

2017ರ ವಿಧಾನಸಭಾ ಚುನಾವಣೆಯಲ್ಲಿ, ಪಂಕಜ್ ಅವರು ಇದೇ ನೋಯ್ಡ ಕ್ಷೇತ್ರದಿಂದ 1,04,016 ಅಂತರದಲ್ಲಿ ಗೆದ್ದಿದ್ದರು.

ರಾಜನಾಥ್‌ ಸಿಂಗ್‌ ಅವರು 2000–02ರ ಅವಧಿಯಲ್ಲಿ ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾಗಿದ್ದರು.