ಚಂಡಮಾರುತ: ದೋಣಿ ಮುಳುಗಿ ಮೂವರು ನಾಪತ್ತೆ

ವಿಶಾಖಪಟ್ಟಣಂ: ಚಂಡಮಾರುತಕ್ಕೆ ಸಿಲುಕಿ ದೋಣಿ ಮಗುಚಿದ ಪರಿಣಾಮ ಇಂಫಾಲ್‌ನ ಮೂವರು ಮೀನುಗಾರರು ನಾಪತ್ತೆಯಾಗಿದ್ದು, ಭಾರತೀಯ ನೌಕಾಪಡೆಯ ಮುಳುಗು ತಜ್ಞರ ತಂಡ ಶೋಧ ಕಾರ್ಯದಲ್ಲಿ ತೊಡಗಿದೆ.

ಕಾಮ್‌ಜೊಂಗ್‌ ಜಿಲ್ಲೆಯ ಮಾಪಿಥಾಲ್‌ ಜಲಾಶಯದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ದೋಣಿಯು ಏಪ್ರಿಲ್ 28ರಂದು ಬೀಸಿದ ಚಂಡಮಾರುತಕ್ಕೆ ಸಿಲುಕಿ ಮುಳುಗಿತ್ತು.

ಮಣಿಪುರ ಸರ್ಕಾರದ ಮನವಿ ಮೇರೆಗೆ 12 ಮುಳುಗು ತಜ್ಞರು ಹಾಗೂ ಇಬ್ಬರು ಜಲತಜ್ಞರು ಶೋಧ ಕಾರ್ಯದಲ್ಲಿ ತೊಡಗಿದ್ದಾರೆ ಎಂದು ನೌಕಾಪಡೆಯು ಪ್ರಕಟಣೆಯಲ್ಲಿ ತಿಳಿಸಿದೆ.ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆಯು ಈಗಾಗಲೇ ಶೋಧ ಕಾರ್ಯ ನಡೆಸುತ್ತಿದೆ.