ಜಮಾತ್‌‌ನಲ್ಲಿ ಪಾಲ್ಗೊಂಡ ರಾಷ್ಟ್ರಗಳ ಪಟ್ಟಿ, ಬೆಂಗಳೂರಿನ ಮಂದಿರದಲ್ಲಿ ನೋಟೀಸ್

ನವದೆಹಲಿ: ದೆಹಲಿಯಲ್ಲಿ ನಡೆದತಬ್ಲಿಗಿ ಜಮಾತ್‌‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವಿಶ್ವದ 39 ರಾಷ್ಟ್ರಗಳಿಂದ 993 ಮಂದಿ ಭಾಗವಹಿಸಿರುವ ಪಟ್ಟಿ ದೊರೆತಿದೆ.

ಇದರಲ್ಲಿ ಅತಿ ಹೆಚ್ಚು ಮಂದಿ ಇಂಡೋನೇಷಿಯಾದಿಂದಲೇಭಾಗವಹಿಸಿದ್ದು 379 ಮಂದಿ ಆಗಮಿಸಿದ್ದರು ಎಂದು ಸುದ್ದಿ ಸಂಸ್ಥೆ ಎಎನ್ ಐ ವರದಿ ಮಾಡಿದೆ.

ಪಟ್ಟಿಯ ಪ್ರಕಾರ ಅಲ್ಜೀರಿಯಾ 7, ಸೌದಿ ಅರೇಬಿಯಾ 9 ಆಸ್ಟ್ರೇಲಿಯಾ 1, ಬಾಂಗ್ಲಾದೇಶ 110 , ಇರಾನ್ 22, ಕಜಕಿಸ್ತಾನ 24, ಮಲೇಷಿಯಾ 75 , ಮಯನ್ಮಾರ್ 63 ಫಿಲಿಫೈನ್ಸ್ 10, ಕತಾರ್ 3, ಶ್ರೀಲಂಕಾ 33, ಥೈಲ್ಯಾಂಡ್ 65
ಉಳಿದ ರಾಷ್ಟ್ರಗಳ ವಿವರ ಈ ಕೆಳಗೆ ನೀಡಲಾಗಿದೆ.

ದೆಹಲಿಯ ಜಾಮಿಯಾ ಮಸೀದಿಯಲ್ಲಿ ಕೊರೊನಾ ಕಾರಣ ಬಿಕೋ ಎನ್ನುತ್ತಿದೆ. ಕೊರೊನಾ ಸೋಂಕು ಕಾರಣ ಇಲ್ಲಿ ಯಾವುದೇ ಪ್ರಾರ್ಥನೆ ಸಲ್ಲಿಸದಂತೆ ಸರ್ಕಾರ ಆದೇಶ ಹೊರಡಿಸಿರುವ ಹಿನ್ನೆಲೆಯಲ್ಲಿ
ಪೊಲೀಸರು ಬಿಗಿ ಬಂದೋಬಸ್ತ್ ಕೈಗೊಂಡಿದ್ದಾರೆ.

ಇದೇ ಸಮಯದಲ್ಲಿ ಕೊರೊನಾ ಸೋಂಕು ಕಾರಣ ಬೆಂಗಳೂರಿನ ಶಿವಾಜಿನಗರದ ಪ್ರಾರ್ಥನಾ ಮಂದಿರದಲ್ಲಿ ನೋಟೀಸ್ ಅಂಟಿಸಲಾಗಿದ್ದು, ಶುಕ್ರವಾರ ಪ್ರಾರ್ಥನೆಯನ್ನು ರದ್ದುಪಡಿಸಲಾಗಿದೆ ಎಂದು ಆಡಳಿತ ಮಂಡಳಿ ತಿಳಿಸಿದೆ. ಧರ್ಮಗುರು ಮತ್ತು ಕೆಲವೇ ಸದಸ್ಯರನ್ನು ಹೊರತುಪಡಿಸಿ ಇತರರು ತಮ್ಮ ಮನೆಯಿಂದಲೇ ಪ್ರಾರ್ಥನೆ ಸಲ್ಲಿಸಬೇಕೆಂದು ವಿನಂತಿಸಲಾಗಿದೆ.