ಸಿಂಗಪುರ: ಒಂದೇ ದಿನದಲ್ಲಿ 5,324 ಹೊಸ ಕೋವಿಡ್ ಪ್ರಕರಣಗಳು

ಸಿಂಗಪುರ: ಸಿಂಗಪುರದಲ್ಲಿ ಕೋವಿಡ್‌ ಉಲ್ಬಣಗೊಂಡಿದ್ದು, ಒಂದೇ ದಿನ 5,324 ಹೊಸ ಸೋಂಕು ಪ್ರಕರಣಗಳು ದೃಢಪಟ್ಟಿವೆ ಎಂದು ಆರೋಗ್ಯ ಸಚಿವಾಲಯ ಬುಧವಾರ ತಿಳಿಸಿದೆ.

ಈ ಹೊಸ ಪ್ರಕರಣಗಳಲ್ಲಿ 661 ಪ್ರಕರಣಗಳು ವಲಸೆ ಕಾರ್ಮಿಕರಿರುವ ಸಾಮೂಹಿಕ ವಸತಿಗಳಲ್ಲಿ ಪತ್ತೆಯಾಗಿವೆ. 12 ಪ್ರಕರಣಗಳೂ ವಿದೇಶದಿಂದ ಆಗಮಿಸಿರುವವರಲ್ಲಿ ಪತ್ತೆಯಾಗಿವೆ. ಸೋಂಕಿನಿಂದ 10 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

‘ಇದೊಂದು ಅಸಾಮಾನ್ಯ ಏರಿಕೆಯಾಗಿದ್ದು, ಮುಂದಿನ ಕೆಲವು ದಿನಗಳವರೆಗೆ ಸೋಂಕು ಪ್ರಸರಣದ ಮೇಲೆ ನಿಕಟವಾಗಿ ನಿಗಾ ಇಡಲಾಗುತ್ತದೆ‘ ಎಂದು ಅದು ತಿಳಿಸಿದೆ.

ಸಿಂಗಪುರದಲ್ಲಿ ಇಲ್ಲಿವರೆಗೆ ಕೋವಿಡ್‌ ಸೋಂಕಿನಿಂದ ಸಾವನ್ನಪ್ಪಿದ್ದವರ ಸಂಖ್ಯೆ 349ಕ್ಕೆ ಏರಿದೆ. ನಗರದ ವಿವಿಧ ಆಸ್ಪತ್ರೆಗಳಲ್ಲಿ 1,777 ಕೋವಿಡ್‌ ರೋಗಿಗಳು ದಾಖಲಾಗಿದ್ದಾರೆ. ಈ ಮೂಲಕ ಸಿಂಗಪುರದಲ್ಲಿ ಕೋವಿಡ್‌ ಸೋಂಕಿತರ ಸಂಖ್ಯೆ 1,84,419ಕ್ಕೆ ಏರಿದೆ.