ಅಹಮದಾಬಾದ್‌| ಸೈಬರ್‌ ಅಪರಾಧಿಗಳಿಗೆ ₹200 ಕೋಟಿ ಅಕ್ರಮ ವರ್ಗಾವಣೆ; 6 ಮಂದಿ ಬಂಧನ

ಅಹಮದಾಬಾದ್‌: ದುಬೈ ಮೂಲದ ಸೈಬರ್‌ ಅಪರಾಧಿಗಳಿಗೆ ₹200 ಕೋಟಿ ಅಕ್ರಮ ವರ್ಗಾವಣೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಗುಜರಾತ್‌ನ ಸಿಐಡಿ ಅಪರಾಧ ವಿಭಾಗದ ಪೊಲೀಸರು ಆರು ಆರೋಪಿಗಳನ್ನು ಬಂಧಿಸಿದ್ದಾರೆ.

ಖಚಿತ ಮಾಹಿತಿ ಆಧರಿಸಿ, ಸೂರತ್‌, ಅಮರೇಲಿ ಜಿಲ್ಲೆಯಲ್ಲಿ ದಾಳಿ ನಡೆಸಿ, ಮಹೇಂದ್ರ ಸೋಲಂಕಿ, ರೂಪೇನ್‌ ಭಾಟಿಯಾ, ರಾಕೇಶ್‌ ಲಾನಿಯಾ, ರಾಕೇಶ್‌ ದೆಕಿವಾಡಿಯಾ, ವಿಜಯ್‌ ಖಂಭಲ್ಯ ಹಾಗೂ ಪಂಕಜ್‌ ಕತಿರಿಯಾ ಅವರನ್ನು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆರೋಪಿಗಳ ಮೊಬೈಲ್‌ ವಶಪಡಿಸಿಕೊಂಡಿದ್ದು, 100ಕ್ಕೂ ಅಧಿಕ ಬ್ಯಾಂಕ್‌ ಖಾತೆಗಳ ಮಾಹಿತಿಯೂ ದೊರೆತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.