ಗುಜರಾತ್ | ದೌರ್ಜನ್ಯದ ಆರೋಪ: ದಲಿತ ಯುವಕ ಆತ್ಮಹತ್ಯೆ

ಅಹಮದಾಬಾದ್: ಐವರು ಸವರ್ಣೀಯ ಯುವಕರು ತಮ್ಮಂತೆಯೇ ಬಟ್ಟೆ ಧರಿಸಿದ್ದಕ್ಕೆ ಅವಮಾನಿಸಿ, ಹಲ್ಲೆ ನಡೆಸಿದ್ದರಿಂದ ಮನನೊಂದು 19 ವರ್ಷದ ದಲಿತ ತರುಣರೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 

ಬನಾಸ್‌ಕಾಂಠಾ ಜಿಲ್ಲೆಯ ಬಾಸರ್ದಾ ಎಂಬ ಹಳ್ಳಿಯಲ್ಲಿ ಈ ಘಟನೆ ನಡೆದಿದೆ. 

ಅವಮಾನಿತರಾಗಿದ್ದ ಮಹೇಂದ್ರ ಕಾಲುಭಾಯಿ ಪರ್ಮಾರ್ ಜುಲೈ 10ರಿಂದ ನಾಪತ್ತೆಯಾಗಿದ್ದರು. 12ರಂದು ಬಾವಿಯೊಂದರಲ್ಲಿ ಅವರ ಶವ ದೊರಕಿತು. ಮೃತರ ಚಿಕ್ಕಪ್ಪ ನೀಡಿದ ದೂರಿನ ಮೇಲೆ ಎಫ್‌ಐಆರ್‌ ದಾಖಲಿಸಲಾಗಿದ್ದು, ಸವರ್ಣೀಯರಿಂದ ದೌರ್ಜನ್ಯ ನಡೆದಿದೆ ಎಂದು ಅದರಲ್ಲಿ ಉಲ್ಲೇಖಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.